ალექსი ნოზაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი, სპეციალობით ავტომობილები და ტრაქტორები 1959 წელს.

1959-1962წწ. მუშაობდა გორის "ნიიავტომატპრომში"; 1962-2013წწ. საქართველოს მეცნიერებათა აკადემიის მანქანათა მექანიკის ინსტიტუტში განყოფილების ხელმძღვანელად; 1993-1998წწ. მსახურობდა თავდაცვის სამინისტორის საინჟინრო ჯარების სამმართველოში უფროს ოფიცრად, სამმართველოს უფროსის მოდგილედ შეიარაღების დარგში. მისი სამეცნიერო მოღვაწეობის სფეროები იყო ავტომობილებისა და ტრაქტორების თეორია, ტრაქტორის ავტომატური მართვის სისტემები, დაბალტემპერატურიანი ენერგიის მექანიკურ ენერგიად გარდაქმნის პრობლემები, ავტომობილების გამოცდების სისტემები; მის მიერ დამუშავებული და შექმნილი იყო უნიკალური "ჰიდრო-მექანიკური პროგრესული (უსაფეხურო) გადაცემათა კოლოფი". იყო საქართველოს პოლიტექნიკური ინსტიტუტის "ინტელექტის" კონკურსის ლაურეატი. ტექნიკის მეცნიერებათა კანდიდატი (1972).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.265-266

• ვახტანგ გორგასლის III ხარისხის ორდენი