გიორგი ჟურული

დაბადების ადგილი: ქ. თბილისი.

დაამთავრა თბილისის სამხედრო პროგიმნაზია და თბილისის ქვეით იუნკერთა სასწავლებელი.

იყო თბილისის გუბერნიის აზნაურთა ოჯახიდან; 1871 წლის ნოემბრიდან იყო სამხედრო სამსახურში - კავკასიის მე-2 სახაზო ბატალიონში; 1877-1878წწ. მონაწილეობდა რუსეთ-ოსმალეთის ომში; მიიღო პრაპორშჩიკის (1877), პოდპორუჩიკის (1884), პორუჩიკის (1888), შტაბს-კაპიტნის (1890), კაპიტნის (1898) და პოდპოლკოვნიკის (1904) წოდებები; 1901-1910წწ. მსახურობდა ანაპის 252-ე სარეზერვო ბატალიონში, თემირხანშურინის 254-ე სარეზერვო ბატალიონში, ფოთის 257-ე ქვეით პოლკში; 1910 წელს გადადგა; I მსოფლიო ომის დაწყების შემდეგ, 1914 წელს არმიაში სამხედრო სამსახურში გამოიძახეს და დაინიშნა სახელმწიფო ლაშქრის დონის 233-ე ქვეითი დრუჟინის მე-3 ასეულის მეთაურად; 1915 წელს - სამარის 247-ე ქვეითი დრუჟინის მეთაურად; რუსეთის იმპერიის არმიის პოლკოვნიკი (1915).

წყარო: მასალები ბიოგრაფიული ლექსიკონისთვის: კავკასიის არმიის ოფიცრები (1901-1914) პოდპოლკოვნიკები / ოთარ ჟორდანია // ცხუმ-აფხაზეთის მეცნიერებათა აკადემიის შრომები: ტ: VII-VIII. - თბ., - 2014. - გვ.227 (core.ac.uk); რუსეთის საიმპერატორო არმიის ოფიცრები: ria1914.info

• 1905 - წმინდა ვლადიმირის IV ხარისხის ორდენი (ბაბთით)
• 1893 - წმინდა სტანისლავის III ხარისხის ორდენი
• 1877 - წმინდა გიორგის IV ხარისხის ორდენი
  ბრძოლის ველზე თავის გამოჩენისთვის