ზაურ ლაზიშვილი

დაბადების ადგილი:  ქ. ბათუმი.

დაამთავრა ბათუმის პედაგოგიური ინსტიტუტის ისტორია - ფილოლოგიის ფაკუტეტი.

მოწოდებით ფეხბურთელი მე-7 კლასიდან დაეუფლა ქართულ ცეკვებს; პირველი მასწავლებლები იყვნენ: აბდულ დიასამიძე და გივი ჩიხლაძე; 1964 წლიდან ცეკვავდა ბუხუტი დარახველიძის ანსამბლში; დედაქალაქიდან  ბათუმში დაბრუნდა და ქორეოგრაფობდა ანსამბლ "სალაღობოს", სადაც განახორციელა დადგმა მთიელ ქალ-ვაჟთა საზეიმო და მოხევურ-მთიულური ცეკვა, რომელიც პირველად გადაიღეს 1967 წელს "დეფამ" (გერმანია) ფილმისთვის "ჩემი მეგობარი სიბილა"; 1966 წლიდან იყო ბათუმის პიონერთა პარკის, ანსამბლ "გაზაფხულის" - მთავარი ქორეოგრაფი; 1976 -2004წწ. მუშაობდა ბათუმის კულტურულ საგანმანათლებლო სასწავლებლის დირექტორად, პარალელურად მოღვაწეობდა ქორეოგრაფ პედაგოგად; აღზრდილი ჰყავს არაერთი ცნობილი მოცეკვავე და ქორეოგრაფი. გამოქვეყნებული აქვს მრავალი თეორიული, მეთოდურ - პრაქტიკული შინაარსისა თუ კრიტიკული წერილი. 2012 წელს მიენიჭა ქორეოგრაფიის რაინდის წოდება, 2016 წელს აჭარის სიმღერისა და ცეკვის სახელმწიფო ანსამბლ "არსიანის" ეზოში გაიხსნა ზაურ ლაზიშვილის სახელობის ვარსკვლავი.

წყარო: მურმან გამისონიას მიერ გამოგზავნი ბიოგრაფიული მონაცემები; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.83-84

• საქართველოს ქორეოგრაფთა კავშირი, თავმჯდომარის მოადგილე (2011-)

• 2012 - ქორეოგრაფიის რაინდი
• 1999 - ღირსების ორდენი
  ქართული ქორეოგრაფიული ხელოვნების განვითარებაში შეტანილი პირადი დიდი წვლილისა, ნაყოფიერი პედაგოგიური და საზოგადოებრივი მოღვაწეობისათვის
• 1971 - აჭარის ავტონომიური რესპუბლიკის დამსახურებული არტისტი
• ბათუმის საპატიო მოქალაქე
• საქართველოს სახალხო განათლების დამსახურებული მოღვაწე