მარატ ღვალაძე

დაბადების ადგილი: ქ. ჭიათურა.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1965 წელს.

1967-1978 წწ. მუშაობდა ირ. აბაშიძის სახ. ქართული ენციკლოპედიის მთავარ სამეცნიერო რედაქციაში ფილოსოფიის რედაქციის წამყვან სამეცნიერო რედაქტორად, შემდეგ გამგედ; მას ეკუთვნის 70-მდე საენციკლოპედიო სტატია, არის მრავალი სტატიის რედაქტორი; 1978-1985 წწ. მუშაობდა ქ. ჭიათურაში სხვადასხვა საპასუხისმგებლო თანამდებობებზე: შახტმშენის განთავისუფლებულ პარტკომად, საქალაქო გაზ. "ჭიათურის მაღაროელის" მთავარ რედაქტორად; 1988-1990 წწ. "საქინფორმის" კახეთის რეგიონის კორესპონდენტად; 1990 წლიდან გაზ. "საქართველოს რესპუბლიკაში", განყოფილების გამგედ; 1992 წლიდან გარდაცვალებამდე იყო საქართველოს ჟურნალისტთა ფედერაციის მდივანი; 1995-2000 წწ. იყო გაზ. "ინტელექტის" მთავარი რედაქტორი; 1996 წელს გამოიცა ამ გაზეთის სპეციალური გამოშვება "დავით აღმაშენებელი"; არის თანაავტორი დოკუმენტური ფილმის სცენარის "ზურაბ წერეთელი"; ასევე ავტორი წიგნის "თანადგომა გადაგვარჩენს".

• საქართველოს ჟურნალისტთა კავშირი, განყოფილების გამგე

• 2000 - ღირსების ორდენი
  ხანგრძლივი და ნაყოფიერი საქმიანობისთვის
• 1999 - ნიკო ნიკოლაძის სახელობის პრემია
  ხანგრძლივი და ნაყოფიერი საქმიანობისთვის
• 1999 - ღირსების ორდენი
  ქართული ჟურნალისტიკის განვითარებაში შეტანილი პირადი დიდი წვლილისათვის, საზოგადოებრივ-პოლიტიკური ცხოვრების აქტუალური საკითხების მაღალპროფესიულ დონეზე გაშუქებისათვის
• 1999 - საქართველოს კულტურის დამსახურებული მუშაკი
  ხანგრძლივი და ნაყოფიერი საქმიანობისთვის

• მხოლოდ თანადგომა გადაგვარჩენს : დიალოგი მეგობართან [ანზორ ბაბუხადიასთან] (ავტორი). - თბილისი, ინტელექტი, 1998. - 74გვ.