ელენე ობოლაშვილი

დაბადების ადგილი: სოფელი ბოდბისხევი, სიღნაღის რაიონი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1946 წელს.

მისი კვლევის ძირითადი საკითხებია: დრეკადობის მათემატიკური თეორია, მათემატიკური ფიზიკა, გარსთა თეორია, ანალიზური ფუნქციის განზოგადება. მან მრავალგანზომილებიან ევკლიდეს სივრცეში ააგო ფურიეს გარდაქმნები ლებეგის აზრით ინტეგრირებად ფუნქციისათვის. მის მონოგრაფიებში ფურიეს მეთოდი გამოყენებულია დრეკადი სხეულის სტატიკის, რხევისა და დინამიკის შემთხვევისათვის. აგებული აქვს დრეკადობის თეორიის სხვადასხვა ამოცანის ფუნდამენტური ამოხსნა, როგორც სტატიკურ, ასევე, დინამიკურ შემთხვევაში. მას ეკუთვნის მთელი ციკლი გამოკვლევებისა მრავალგანზომილებიან სივრცეში განზოგადებულ ანალიზურ ფუნქციებსა და დრეკადი სხეულის ზედაპირის დაძაბული და დეფორმირებული მდგომარეობის საკითხებზე. ფიზიკა-მათემატიკის მეცნიერებათა დოქტორი (1967), პროფესორი (1959).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.266

• 1981 - ილია ვეკუას სახელობის პრემია
• საქართველოს მეცნიერებათა დამსახურებული მოღვაწე

• მათემატიკური სილამაზე-რწმენის სიმბოლო : წერილები, რეცენზიები (ავტორი). - თბილისი, ინტელექტი, 2004. - 111გვ.. - ISBN: 9994022296
• აკადემიკოსი ილია ვეკუა: შეშელეთიდან მთაწმინდამდე (ავტორი). - თბილისი, ინტელექტი, 2004. - 82გვ.. - ISBN: 9994022326
• დრეკადობის მათემატიკური თეორიის საფუძვლები (ავტორი). - თბილისი, თბილ. უნ-ტის გამ-ბა, 1993. - 300გვ.
• Преобразование Фурье и его применения в теории упругости (ავტორი). - Тбилиси, Мецниереба, 1979. - 230с.