გურამ ველიაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლის გემთმექანიკური ფაკულტეტი 1977 წელს; ნოვოროსიისკის უმაღლესი საზღვაო-საინჟინრო (НВИМУ) სასწავლებლის გემთმექანიკური ფაკულტეტი 1994 წელს; ბათუმის სახელმწიფო საზღვაო აკადემია გემების ენერგეტიკული ძრავების ექპლუატაციის სპეციალობით 1996 წელს.

შრომითი საქმიანობა საქართველოს საზღვაო სანაოსნოში, მადანმზიდ - «Нико Николадзе»-ს მოტორისტად დაიწყო; 1980-1989 წწ. იყო ბალკერ - «Генерал Леселидзе»-ს მეოთხე, მესამე და მეორე რანგის მექანიკოსი; 1989 წელს მან მეორე მექანიკოსის რანგში საქართველოს საზღვაო სანაოსნოს მაშინდელი ფლაგმანი «დავით აღმაშენებლი» ჩაიბარა; 1990-1991 წწ. კი იყო ამ ხომალდის უფროსი მექანიკოსიც; 1991-1995 წწ. ბალკერ - «აკაკი წერეთელი»-ს უფროსი მექანკოსია; 1996 წელს, გამოცდილი ინჟინერ-გემთმექანიკოსი საქმიანობას ნაპირზე განაგრძობს, თავდაპირველად საქართველოს საზღვაო სანაოსნოს ტექნიკური სამსახურის სუპერინტენდანტად, 1997-1998 წწ. სანაოსნოს ტექნიკურ წარმომადგენლად თურქეთში; 1998-1999 წწ. საქართველოს საზღვაო სანაოსნოს ტექნიკური სამსახურის უფროსია; 1999 -2014 წწ. შპს "საზღვაო ტექსერვისში" ასრულებს სხვადასხვა ხელმძღვანელ მოვალეობებს; 2014 წელს იყო ბათუმის საზღვაო ნავსადგურის დირექტორის მოადგილე ტექნიკურ საკითებში; 2015 წლიდან კი შპს "შავი ზღვის ტერმინალი"-ს მრჩეველია ტექნიკურ საკითხებში. გემთინჟინერი, შორეული ნაოსნობის გემების უფროსი მექანიკოსი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2012 - ღირსების ორდენი
  ქართული საზღვაო დარგის განვითარებაში შეტანილი დამსახურებული წვლილისთვის