იური ქორიძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლის გემთმექანიკური განყოფილება 1969 წელს; ნოვოროსიისკის უმაღლესი საზღვაო-საინჟინრო სასწავლებელი ინჟინერ-გემთმექანიკოსის სპეციალობით 1980 წელს.

სასწავლებლის დამთავრების შემდეგ საქმიანობა საქართველოს საზღვაო სანაოსნოს გემებზე დაიწყო; მისი პირველი გემი  ტანკერი «Анапа» იყო, მომდევნო წლებში მე-4, მე-3 და მე-2 რანგის მექანიკოსად ცურავდა იგი  «Алагир»-ზე და «Алексеевка» -ზე, 1976 წელს კი 30 წლის ასაკში ტანკერ «Аспиндза»-ს უფროსი მექანიკოსი გახდა; 1984 წელს კაპიტან მამული ჩაკვეტაძესთან ერთად ხორვატიის სპლიტის გემთსაშენში საქართველოს საზღვაო სანაოსნოს ახალი ტანკერი «Капитан А. Качарава» მიიღო და გაუშვა ექსპლუატაციაში; მომდევნო წლებში არაერთ გემზე და არაერთი ცნობილი ქართველი კაპიტნის გვერდიგვერდ მოუწია ზღვაში საქმიანობა, მათ შორის კაპიტან დურსუნ ცინცაძესთან ტანკერ - «И. Броз Тито»-ზე, შაქრო ვარშანიძესთან - «Академик Узнадзе»-ზე, ჯონი პატარაძესთან - «Давид Агмашенебели», ლერი ჯორბენაძესთან - «Tbilisi» და სხვა. საქართველოს საზღვაო სანაოსნოს დაშლის შემდეგ კი მრავალი ქართველი მეზღვაურის მსგავსად მანაც სხვადასხვა უცხოური სანაოსნო კომპანიის გემებზე განაგრძო საქმიანობა. ცურავდა Anglo-Georgian Shipping-ის, Queensway Navigation-ისა და სხვა კომპანიების გემებზე, 2009-2016 წწ. სანაოსნო კომპანია Columbia Shpmanagement-ის არაერთ გემის უფროსი მექანიკოსია. გემთინჟინერი, შორეული ნაოსნობის უფროსი მექანიკოსი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com