გიორგი ტარასოვი

დაბადების ადგილი: ქ. თბილისი.

დაამთავრა ლენინგრადის ადმირალ ა. მაკაროვის სახელობის უმაღლეს საზღვაო-საინჟინრო სასწავლებელი (ЛВИМУ) ინჟინერ-გემთწამყვანის სპეციალობით 1961 წელს.

1962 წელს შრომითი საქმიანობა ბათუმის ნავსადგურის პორტფლოტის გემებზე დაიწყო, სადაც 1965 წლამდე მუშაობდა საზღვაო ბუქსირების კაპიტნის თანაშემწედ; 1965-1969 წწ. შტურმანად და კაპიტნის თანაშემწედ ცურავდა შავი ზღვის სატანკერო ფლოტის სამმართველოს, მოგვიანებით კი ნოვოროსიისკის სანაოსნოს ტანკერ «Луцк»-ზე; 1969 წელს უკვე გამოცდილი ზღვაოსანი საქმიანობას საქართველოს საზღვაო სანაოსნოს გემებზე, თავდაპირველად ტანკერ «АКТАУ»-სა და «АХАЛЦИХЕ»-ს კაპიტნის უფროს თანაშემწედ განაგრძობს; 1971 წელს სსრკ საზღვაო ფლოტის სამინისტროს კოლეგიაზე გიორგი ტარასოვი შორეული ნაოსნობის კაპიტნად დაამტკიცეს; კაპიტნად ცურავდა ტანკერებზე: «АДИГЕНИ», «АКСАЙ», «ЗУГДИДИ» და «АЛЕКСЕЕВКА»; 1973 წელს მან  ქერჩის გემთმშენებელ ქარხანაში მიიღო საქართველოს სანაოსნოსათვის აგებული ახალი გემი «ГЕНЕРАЛ БАГРАТИОН»-ი, რომლის ეკიპაჟსაც მომდევნო 6 წლის მანძილზე მეთაურობდა, 1979 წელს კი ნიკოლაევის გემთმშენებელ ქარხანაში ჩაიბარა და ექსპლუატაციაში გაუშვა საქართველოს სანაოსნოსათვის აგებული მორიგი ახალი გემი «АЛЕКСАДР КОРНЕЙЧУК»-ი, რომლის შტატიანი კაპიტანიც იყო 16 წლის მანძილზე. 1995 წლიდან გიორგი ტარასოვი კაპიტნად ცურავდა ერთობლივი და უცხოური სანაოსნო კომპანიების «ABC MARITIME»-სა და «COLUMBIA SHIPMANAGEMENT»-ის გემებზე: «A. TSERETELI», «N. DUMBADZE» და «GALI». ზღვაში საქმიანობა დაასრულა 2005 წელს. შორეული ნაოსნობის კაპიტანი. საზღვაო ფლოტის დამსახურებლი მუშაკი (1977).

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com