იოთამ ქარცივაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1940 წელს.

1940-1956წწ. მუშაობდა საქართველოს მეცნიერებათა აკადემიის მათემატიკის ინსტიტუტში, ერთდროულად, 1941-1942წწ. - ამიერკავკასიის გზათა მიმოსვლის ინსტიტუტში და 1942-1954წწ. - თბილისის სახელმწიფო უნივერსიტეტში; 1956-1997წწ. საქართველოს მეცნიერებათა აკადემიის გამოთვლით ცენტრში (ამჟამად, ნ. მუსხელიშვილის სახელობის გამოთვლითი მათემატიკის ინსტიტუტი) სხვადასხვა თანამდებობებზე (დირექტორის მოადგილე, განყოფილების უფროსი); 1975 წლიდან თბილისის სახელმწიფო უნივერსიტეტში განაგებდა მათემატიკური ანალიზის კათედრას.

მის შრომებში შესწავლილია დრეკადობის თეორიის ძირითადი ამოცანები, რომლებშიც მონახა მათი ეფექტური ამოხსნები ზოგიერთი არესთვის; მან შეისწავლა კოშის ტიპის ინტეგრალის თვისებები ინტეგრების გზის ბოლოების მახლობლად; იკვლევდა სინგულარულ და ინტეგრალურ ოპერატორებს წყვეტილი კოეფიციენტებით; ჰიპერბოლურ სივრცეში ორთოგონალურ ნამრავლს და ორთოგონალური სისტემების თვისებებს; მისი კვლევის თემებს აგრეთვე წარმოადგენდა, არაკომპაქტური საზღვრების მქონე არეში პოტენციალისა და ფუნქციონალური ანალიზის თეორიის საკითხები. მათემატიკოსი და მექანიკოსი, პროფესორი (1977).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.284

• მათემატიკური ანალიზი : სახელმძღვანელო სტუდენტებისათვის (Author) // ტ. 1. - თბილისი, თბილ. უნ-ტის გამ-ბა, 1981. - 527გვ.
• მათემატიკური ანალიზის კურსი (Co-Author) // ტ. 2 . - თბილისი, თბილ. უნ-ტის გამ-ბა, 1950. - 555გვ.
• ნამდვილი ცვლადის ფუნქციათა თეორიის საფუძვლები (Translator). - თბილისი, სტალინის სახ. თბილისის სახელმწ. უნ-ტის გამ-ბა, 1949. - 384გვ.
• მათემატიკური ანალიზის კურსი (Co-Author) // ტ. 1 . - თბილისი, თბილ. უნ-ტის გამ-ბა, 1948. - 638გვ.