თენგიზ შოშიაშვილი

1972 წელს მუშაობდა წნორის საქკვებრემმშენის მე-8 უბანზე მუშად. 1973-1978წწ. სწავლობდა ივანე ჯავახიშვილის სხელობის თბილისის სახელმწიფო უნივერსიტეტის ვაჭრობის ეკონომიკისა და საქონელმცოდნეობის ფაკულტეტზე; 1981-1986წწ. იურიდიულ ფაკულტეტზე.

1978 წლიდან სამუშაოდ გაანაწილეს საქართველოს შინაგან საქმეთა ორგანოების სისტემაში. 1979-1986წწ. მუშაობდა თბილისის ოქტომბრის რაიონის შინაგან საქმეთა რაიონული განყოფილების სოციალისტური საკუთრების მტაცებლობისა და სპეკულაციის წინააღმდეგ მებრძოლ განყოფილებაში ინსპექტორად, ქვეგანყოფილების უფროსად. 1986 წლიდან იყო თბილისის ოქტომბრის რაიონის შინაგან საქმეთა რაიონული განყოფილების უფროსის მოადგილე, საგამოძიებო ქვეგანყოფილების უფროსი; 1992 წლიდან ისნის რაიონის შინაგან საქმეთა რაიონული ქვეგანყოფილების უფროსის მოადგილე, საგამოძიებო ქვეგანყოფილების უფროსი, საგამოძიებო განყოფილების უფროსი. 1995-1997წწ. თენგიზ შოშიაშვილი იყო თბილისის საგამოძიებო სამმართველოს უფროსის პირვლი მოადგილე; 1997-1999წწ. საქართველოს შინაგან საქმეთა სამინისტროს დაცვის პოლიციის მთავარი სამმართველოს უფროსი, დაცვის პოლიციის დეპარტამენტის თავმჯდომარე; 1999 წელს დაინიშნა საქართველოს შინაგან საქმეთა მინისტრის მოადგილედ. 1999 წლის 8 ნოემბერს მიენიჭა გენერალ-მაიორის განსაკუთრებული წოდება.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.303; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.141

• 2001 - ვახტანგ გორგასლის III ხარისხის ორდენი
• 1999 - მედალი "მხედრული მამაცობისთვის"
  დამნაშავეობის წინააღმდეგ ბრძოლაში გამოჩენილი მამაცობისა და მაღალი პროფესიონალიზმისათვის, მართლწესრიგისა და კანონიერების განმტკიცებაში შეტანილი პირადი დიდი წვლილისათვის