ნატალია ჩინჩალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი, მექანიკის სპეციალობით 1996 წელს.

1996-1997წწ. - თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტი - I კატეგორიის ინჟინერი; 1997-2003წწ. -  უმცროსი მეცნიერ-თანამშრომელი; 2003-2006წწ. - უფროსი მეცნიერ-თანამშრომელი; 2007 წლიდან - მკვლევარი; 2007-2010წწ. თბილისის სახელმწიფო უნივერსიტეტი - ზუსტი და საბუნებისმეტყველო მეცნიერებათა ფაკულტეტი, ლაბორატორიის გამგე; 2010-2012წწ. - ზუსტი და საბუნებისმეტყველო მეცნიერებათა ფაკულტეტი, მათემატიკის დეპარტამენტი, დიფერენციალური განტოლებების მიმართულება, ასისტენტ პროფესორი; 2012-2016წწ. - ზუსტი და საბუნებისმეტყველო მეცნიერებათა ფაკულტეტი, მექანიკის კათედრა, ასისტენტ პროფესორი; 2016 წლიდან - ასოცირებული პროფესორი; 2016 წლიდან ი. ვეკუას სახელობის გამოყენებითი მათემატიკის ინსტიტუტის დირექტორის მოადგილე. მისი სამეცნიერო ინტერესების სფეროს განეკუთვნება წამახვილებული დრეკადი გარსები, ფირფიტები და ღეროები; თხევად და დრეკად გარემოთა ურთიერთქმედების ამოცანები; გადაგვარებული დიფერენციალური განტოლებები და სისტემები; სასაზღვრო და საწყის-სასაზღვრო ამოცანები; მას შესწავლილი აქვს ხარისხოვანი წამახვილების მქონე პრიზმული გარსების ღუნვის სტატიკისა და დინამიკის ამოცანები; წამახვილების გეომეტრიაზე დაყრდნობით დადგენილი აქვს კრიტერიუმი, როდის შეიძლება წამახვილებული ბოლოების ჩამაგრება ან დაყრდნობა, როგორც იერარქიული, ასევე, კირხოფ-ლიავის მოდელებისათვის; განხილული აქვს წამახვილებული ფირფიტებისა და არაკუმშვადი სითხის ურთიერთქმედების საკონტაქტო ამოცანები. ფიზიკა-მათემატიკის მეცნიერებათა კანდიდატი (2003), აკადემიური დოქტორი, პროფესორი (2010). 

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.293; თბილისის სახელმწიფო უნივერსიტეტი: tsu.ge

• ამერიკის მათემატიკური საზოგადოების (AMS), წევრი (2010-)
• საქართველოს მათემატიკოსთა კავშირი (სმკ), წევრი (2001-)
• საქართველოს მექანიკოსთა კავშირი, ვიცე-პრეზიდენტი (2012-)

• უმაღლესი მათემატიკა : ლექციების კურსი ქიმიის, ბიოლოგიისა და სიცოცხლის შემსწავლელ მეცნიერებათა მიმართულების სტუდენტებისათვის (თანაავტორი) // ნაწ. 2. - თბილისი, თბილ. უნ-ტის გამ-ბა, 2009. - 128გვ. . - ISBN: 9789941131301