ივანე ცაგარელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1966 წელს.

1968 წლიდან მუშაობს თბილისის სახელმწიფო უნივერსიტეტის ილია ვეკუას სახელობის გამოყენებითი მათემატიკის ინსტიტუტში. სამეცნიერო მოღვაწეობის თემატიკაა მყარი დეფორმადი სხეულის მექანიკის საკითხები. ნაშრომთა მნიშვნელოვანი ნაწილი ეძღვნება დრეკადი სხეულისათვის სტატიკისა და დინამიკის სასაზღვრო, სასაზღვრო-საკონტაქტო და საწყის-სასაზღვრო ამოცანების ცხადად, ეფექტურად (კვადრატურებისა და აბსოლუტურად და თანაბრად კრებადი მწკრივების სახით) ამოხსნას, იზოტროპული, ერთგვაროვანი, მრავალფენიანი, ბინარული ნარევისა და ფოროვანი სხეულებისათვის; განიხილება თერმოდრეკადობის ამოცანები, რომლებშიც გათვალისწინებულია ტემპერატურული და ელექტრომაგნიტური ველების მოქმედება და თერმოდიფუზიის პროცესი. ამოცანები ამოხსნილია კონკრეტული ფორმის არეებისათვის, მიღებულია რიცხვითი შედეგები. ფიზიკა-მათემატიკის მეცნიერებათა დოქტორი (1984), მეცნიერ-მკვლევარი.

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.295-296

• მათემატიკის რვეული : მე-7 კლასისათვის (ავტორი). - თბილისი, საქართველოს მაცნე, 2010. - 99გვ.. - ISBN: 9789941160950
• ელემენტარული მათემატიკა საბანკო საქმეში : ლექციების კურსი (რედაქტორი). - თბილისი, ილიას სახელმწ. უნ-ტი, 2010. - 156გვ. . - ISBN: 9789941912672
• ალგებრა და ანალიზის საწყისები : საშ. სკოლის მე-10-11 კლასების სახელმძღვ. (მთარგმნელი). - თბილისი, განათლება, 2003. - 408გვ.
• მათემატიკის მაგალითებისა და ამოცანების კრებული : გაერთ. სამხ. აკადემიაში შემსვლელთათვის (რედაქტორი). - თბილისი, თბილ. უნ-ტის გამ-ბა, 1997. - 156გვ.