რევაზ ცხვედაძე

დაბადების ადგილი: სოფელი ღოლოვანი, თეთრიწყაროს რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1958 წელს; საქართველოს ტექნიკური უნივერსიტეტის სამშენებლო მექანიკის კათედრის ასპირანტურა 1965 წელს.

1959 წლიდან მუშაობს საქართველოს ტექნიკურ უნივერსიტეტში; 1999 წლიდან სამშენებლო მექანიკისა და ნაგებობათა სეისმომედეგობის კათედრის გამგეა. მისი სამეცნიერო მოღვაწეობის ძირითადი მიმართულებებია: ჩვეულებრივ დიფერენციალურ განტოლებებში სწორკუთხა ფორმის განიკვეთიანი პრიზმული ღეროების გრეხისა და ღუნვის ამოცანების ზუსტი გადაწყვეტა; ორმაგი სიმრუდის დამრეცი გარსების გაანგარიშებისას ძვრის ძალების გავლენის გათვალისწინება; კლასიკურ გარსთა თეორიაში დაკანონებული ცნების "სუფთა ღუნვის" მცდარობის დადგენა; დრეკად-პლასტოლური ანაკრები სფერული გარსის ზიდვის უნარის დადგენა; რადიაქტიური დასხივების გზით ტოლი წინაღობის წრიული ფილებისა და კონუსური გარსების ოპტიმალური დაგეგმარება; წყვეტილ მახასიათებლიანი ფილებისა და გარსების გაანგარიშების ახალი ვარიანტები. ტექნიკურ მეცნიერებათა დოქტორი (2003), პროფესორი (1999).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.297; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 298-299

• საქართველოს ეროვნული და სოციალურ ურთიერთობათა აკადემია, ნამდვილი წევრი (2004-)

• 2003 - ღირსების მედალი

• მათემატიკის ზოგიერთი ამოცანის სწავლების საკითხი უმაღლეს სასწავლებლებში (თანაავტორი) // ნაწ. 2. - თბილისი, საქ. ტექნ. უნ-ტი, 2013. - 136გვ.. - ISBN: 9789941057656
• უწყვეტ ტანთა მექანიკის ზოგიერთი ამოცანის გადაწყვეტა ჩვეულებრივ დიფერენციალურ განტოლებებში : დამხმ. სახელმძღვ. (ავტორი). - თბილისი, ტექნ. უნ-ტი, 2010. - 135გვ. . - ISBN: 9789941148415
• სამშენებლო მექანიკა : სახელმძღვანელო (თანაავტორი) // ნაწ. 1, ნაშენთა სტატიკა . - თბილისი, ტექნ. უნ-ტი, 2005. - 232გვ.. - ISBN: 9994048139