ალექსანდრე პავშენცევი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამრეწველო და  სამოქალაქო მშენებლობის ფაკულტეტი 1967 წელს. 

1967 წლიდან ინსტიტუტების "საქსახპროექტისა" და "თბილჰიდროპროექტის"ინჟინერი; 1972-1974წწ. სამსახურებრივი მივლინებით იმყოფებოდა კუბის რესპუბლიკაში; 1975 წლიდან საქართველოს კპ თბილისის საქალაქო კომიტეტის ინსტრუქტორი, განყოფილების გამგის მოადგილე, გამგე; 1980 წლიდან საქართველოს კპ ცენტრალური კომიტეტის განყოფილების გამგის პირველი მოადგილე; 1983 წლიდან საქართველოს კპ თბილისის ისნის რაიკომის პირველი მდივანი; 1986 წლიდან საქართველოს კპ თბილისის საქალაქო კომიტეტის მდივანი; 1988 წლიდან საქართველოს კპ ცენტრალური კომიტეტის განყოფილების გამგის მოადგილე; 1989-1990წწ. საქართველოს კპ ცენტრალური კომიტეტის მეორე მდივანი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს ერთიანი კომუნისტური პარტია", საარჩევნო ფორმა: პარტიული სიით; ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 286

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)