სერგო ხარიბეგაშვილი

დაბადების ადგილი: ქ. თელავი.

დაამთავრა მოსკოვის მ. ლომონოსოვის სახელობის სახელმწიფო უნივერსიტეტის მექანიკა-მათემატიკის ფაკულტეტი  1974 წელს.

1974-1976წწ. - საკავშირო მეცნიერებათა აკადემიის ვ. სტეკლოვის სახელობის მათემატიკის ინსტიტუტის სტაჟიორ-მკვლევარი (მოსკოვი); 1976-1979წწ. - ამავე ინსტიტუტის ასპირანტი; 1980-1983წწ. - თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის მეცნიერ თანამშრომელი (უმცროსი, უფროსი, წამყვანი, მთავარი); 1992-1993წწ. - საქართველოს ტექნიკური უნივერსიტეტის უმაღლესი მათემატიკის კათედრის პროფესორი; 1993-1998წწ. - საქართველოს ტექნიკური უნივერსიტეტის თეორიული მექანიკის კათედრის გამგე; 1998 წლიდან - ა. რაზმაძის სახელობის მათემატიკის ინსტიტუტის წამყვანი, მთავარი მეცნიერ-თანამშრომელი; 2006-2009წწ. თბილისის სახელმწიფო უნივერსიტეტის პროფესორი; 2006 წლიდან - თბილისის სახელმწიფო უნივერსიტეტის ანდრია რაზმაძის სახელობის მათემატიკის ინსტიტუტის მთავარი მეცნიერ-თანამშრომელი; 2009 წლიდან - საქართველოს ტექნიკური უნივერსიტეტის პროფესორი. მისი სამეცნიერო კვლევის თემატიკაა: შერეული ამოცანები მეორე რიგის გადაგვარებული ჰიპერბოლური ტიპის განტოლებებისა და სისტემებისთვის; სასაზღვრო ამოცანები პირველი რიგის სიმეტრიული ჰიპერბოლური ტიპის სისტემებისათვის; არალოკალური ამოცანები წრფივი და არაწრფივი ჰიპერბოლური ტიპის განტოლებებისა და სისტემებისათვის; სასაზღვრო ამოცანები წრფივი და არაწრფივი ჰიპერბოლური ტიპის განტოლებებისა და სისტემებისათვის; აგებულია სასაზღვრო ამოცანათა თეორია ჰიპერბოლური განტოლებებისა და სისტემებისათვის კუთხოვან და კონუსურ არეებში; დადგენილია პირობები ამოცანათა მონაცემებზე, რომლებიც უზრუნველყოფენ მათ კორექტულობას შესაბამის ფუნქციურ სივრცეებში. ფიზიკა-მათემატიკის მეცნიერებათა დოქტორი (1987), პროფესორი (2009).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.304-305

• 1997 - ნიკო მუსხელიშვილის სახელობის პრემია

• ჩვეულებრივი დიფერენციალური განტოლებები : დამხმ. სახელმძღვ. (ავტორი). - თბილისი, ტექნ. უნ-ტის გამ-ბა, 1996. - 110გვ.