ილია იმნაძე

დაბადების ადგილი: სოფელი ჩიბათი, ლანჩხუთის რაიონი.

დაამთავრა ბათუმის საზღვაოსნო  სასაწავლებლის მექანიკური ფაკულტეტი 1971 წელს; ნოვოროსიისკის უმაღლესი საზღვაო-საინჟინრო სასაწავლებელი 1985 წელს.

პროფესიული საქმიანობა დაიწყო 1971 წელს, საქართველოს საზღვაო სანაოსნოს ტანკერ «გორი»-ს მოტორისტად; 1974 -1985 წწ. მე-4, მე-3 და მე-2 რანგის მექანიკოსად ცურავდა სანაოსნოს ტანკერ «ქუთაისზე», 1985 წელს კი ხორვატიაში აგებული ახალი გემის - «ნატო ვაჩნაძის» უფროს მექანიკოსად დაინიშნა; შორეული ნაოსნობის უფროს მექანიკოსად ცურავდა საქართველოს საზღვაო სანაოსნოს ტანკერებზე «თბილისზე» და «ბათუმზე» და ავტოსამგზავრო ბორან «მემედ აბაშიძე»-ზე; 1992 წლის შემდეგ საქმიანობდა ერთობლივი და უცხოური სანაოსნო კომპანიების: «ANGLO-GEORGIAN»-ის, «ABC MARITIME»-ს და სხვათა გემებზე «ANDREA», «MERCURY» და სხვა. 1999 წლიდან კვიპროსის პორტ ლიმასოლში მუშაობდა სანაოსნო კომპანია «COLUMBIA SHIPMANAGEMENT»-ის სათაო ოფისში, თავდაპირველად მექანიკოს - დამრიგებლად, 2009 -2017 წწ. კი ფლოტის მენეჯერის თანამდედობაზე. გემთინჟინერი, შორეული ნაოსნობის უფროსი მექანიკოსი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com