ვლადიმერ ჩაჩიბაია

დაბადების ადგილი: ქ. თბილისი.

დაამთავრა საქართველოს გაერთიანებულ სამხედრო აკადემია 1994 წელს; საქართველოს საბაჟო აკადემიის იურიდიული ფაკულტეტი 2004 წელს; 2002-2003 წლებში გაიარა აშშ-ის სამეთაურეო და გენერალური შტაბის ოფიცერთა კურსი; 2007-2008 წლებში სწავლობდა აშშ-ის არმიის ომის კოლეჯში.

გაიარა კურსები: 1995 - სპეციალური დაზვერვის კურსი; 1998 - ზოგადი და სამხედრო ინგლისურის და საორიენტაციო კურსი, რიპონისა და იორკის საუნივერსიტეტო კოლეჯი, გაერთიანებული სამეფო; 1999 - ინგლისური ენის კურსი, თავდაცვის ენის ინსტიტუტი, ტეხასი, აშშ; 2000 - სპეციალური ძალების სნაიპერთა სკოლა, საქართველო; 2000 - სამთო-სათხილამურო წვრთნა, ანდერმატი, შვეიცარია; 2000 - ზვავსაწინააღმდეგო მომზადება, ანდერმატი, შვეიცარია; 2001 - საჰაერო სადესანტო მომზადება, სპეც. დანიშნულების ძალები, თბილისი, საქართველო; 2002 - ინგლისური ენის კურსი, თავდაცვის ენის ინსტიტუტი, ტეხასი, აშშ; 2003 - მობილური ჯგუფის საშტაბო ინტეგრაციის კურსი, თბილისი, საქართველო; 2003 - ძირითადი მატერიალური პასუხისმგებლობის სახელმძღვანელო პროცედურები, თბილისი, საქართველო;  2003 - სამხედროები, მედია და დემოკრატია. უილიამ ალენ უაითის ჟურნალისტიკისა და მასობრივი კომუნიკაციების სკოლა და საერთაშორისო პროგრამების ოფისი, ლორენსი, კანზასი, აშშ; 2005 - სამხედრო მართლმსჯულების განვითარება, საერთაშორისო იურიდიულ მეცნიერებათა აშშ თავდაცვის ინსტიტუტი. თბილისი, საქართველო; 2016 - ტრენინგი "საბრძოლო უსაფრთხოების ძირითადი კურსი", ავღანეთში გაეროს დახმარების მისია (UNAMA).

სამხედრო სამსახური: 1989-1991წწ. მსახურობდა საბჭოთა კავშირის სამხედრო-საჰარეო ძალებში; 1991 წელს შეუერთდა ახალ ჩამოყალიბებულ საქართველოს ეროვნული გვარდიას; 1992-1993წწ. საქართველოს სამოქალაქო ომში იყო ეროვნული გვარდიის ოცეულის მეთაური; 1994-2007წწ. მუშაობდა სხვადასხვა საპასუხისმგებლო თანამდებობებზე, მათ შორის: 1994–1995წწ. 25-ე ქვეითი ბრიგადის ქვეითი ოცეულის მეთაური; 1995–1996წწ. AGS-17 ოცეულის მეთაური, დაზვერვის ბატალიონი; 1996–1998წწ. დაზვერვის ასეულის მეთაურის მოადგილე, დაზვერვის ბატალიონი; 1998–1999წწ. S-3 ოფიცერი, ცალკეული დაზვერვის ბატალიონი; 1999–2000წწ. სწრაფი რეაგირების ძალების ინსტრუქტორთა ჯგუფის მეთაურის მოადგილე; 2000–2001წწ. სწრაფი რეაგირების ძალების საბრძოლო მზადყოფნის ოფიცერი; 2001–2002წწ. სპეციალური ძალების ბრიგადის G-2 უფროსი; 2002–2003წწ. სპეციალური ძალების ბრიგადის პირადი შემადგენლობის ოფიცერი; 2003–2005წწ. I ქვეითი ბრიგადის შტაბის უფროსი; ქართული კონტინგენტის მეთაური ერაყში (2004), III ქვეითი ბრიგადის მეთური (2005), გენერალური შტაბის J-3 დეპარტამენტის უფროსი (2005–2006), სახმელეთო ძალების შტაბის უფროსი და სახმელეთო ძალების უფროსის მოვალეობის შემსრულებელი (2006), გაერთიანებული შტაბის უფროსის მოადგილე (2006), გაერთიანებული შტაბის J-3 დეპარტამენტის უფროსი (2007); 2008 წლის ივლისში გახდა გაერთიანებული შტაბის განათლების დეპარტამენტის უფროსი; 2008 წლის 4 ნოემბერს ჩაიბარა გაერთიანებული შტაბი; ოთხი თვის თავზე მან აღნიშნული თანამდებობა დატოვა და 2009 წელს საქართველოს თავდაცვის მინისტრის პირველ მოადგილედ დაინიშნა; 2009 წელს გახდა საქართველოს საგარეო საქმეთა სამინისტროს საგანგებო დავალებათა ელჩი; 2010–2012წწ. მუშაობდა უფროს მრჩეველად საქართველოს საელჩოში აშშ-ში, კანადასა და მექსიკაში; 2012–2015წწ. გაერთიანებული შტაბის უფროსის მოადგილედ; 2015 წლის 12 ოქტომბრიდან 2016 წლის სექტემბრამდე ეკავა უფროსი სამხედრო მრჩეველის თანადებობა გაეროს დამხმარე მისიაში ავღანეთში; 2015–2016წწ. იყო დავით აღმაშენებლის სახელობის საქართველოს ეროვნული თავდაცვის აკადემიის რექტორი; 2016 წლის აგვისტოში დაინიშნა საქართველოს შეიარაღებული ძალების გენერალური შტაბის უფროსის მოადგილედ; 2016 წლის 22 ნოემბერს კი შტაბის უფროსად; 2018-2020წწ. საქართველოს თავდაცვის ძალების მეთაური; 2020 წლიდან საქართველოს მე-10 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: პარტიული სიით; არის უამრავი სახელმწიფო ჯილდოს მფლობელი, მათ შორისაა: სახელობითი "მაკაროვის" ტიპის პისტოლეტი (2002); სახელობითი "გლოკ-19"-ის ტიპის პისტოლეტი (2007); სახელობითი "გლოკ-17-ის ტიპის პისტოლეტი (2008); სამსახურებრივი საშტატო იარაღი ( 2014); სნაიპერული შაშხანა "CBM" (2014); 2017 - სახელობითი "გლოკ-17" ტიპის პისტოლეტი (2017); სახელობითი "ზიგ-ზაურეი" -ს ტიპის პისტოლეტი (2019); გაეროს გენერალური მდივნის მიერ გაცემული გაეროს სპეციალური უწყებრივი მედალი (2016 ); ავღანეთში გაეროს გენერალური მდივნის სპეციალური წარმომადგენლის მადლობის წერილი (2016); სამახსოვრო მედალი მონღოლეთის თავდაცვის მინისტრისგან (2016); დანიის სამეფოს შიდა გვარდიის უწყებრივი მედალი (2017); ლიეტუვის რესპუბლიკის სამხედრო სამსახურის მედალი (2019) და სხვა; 2018 წელს გახდა აშშ-ის ერთ-ერთი პრესტიჟული ჯილდოს, ლეგიონის ღირსების ორდენის კავალერი; 2019 წელს კიდევ ერთი პრესტიჟული ჯილდოს, საფრანგეთის ღირსების ორდენის კავალერი გახდა, ჯილდო საფრანგეთის ელჩმა, დიეგო კოლამ გადასცა ორ ქვეყანას შორის მეგობრობისა და თანამშრომლობისადმი ურყევი მხარდაჭერისთვის; სხვა მნიშვნელოვანი მიღწევები: ამერიკის შეერთებული შტატების ჯორჯიის შტატის საპატიო მოქალაქე (1998), ამერიკის შეერთებული შტატების არმიის ასოციაციის წევრი (1999); ამერიკის შეერთებული შტატების კანზასის შტატის ქალაქ ლევენვორსის საპატიო მოქალაქე (2002). გენერალ-ლეიტენანტი (2019).

წყარო: საქართველოს თავდაცვის სამინისტროს არქივი: web.archive.org; ქართული სამხედრო ენციკლოპედიური ლექსიკონი / ავტორები და შემდგენლები: ელგუჯა მეძმარიაშვილი, თენგიზ შუბლაძე, ზურაბ აბაშიძე [და სხვ.].- თბ., 2017. - გვ. 584; საქართველოს პარლამენტის ვებგვერდი: parliament.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.116

• აშშ-ს არმიის ომის კოლეჯის კურსდამთავრებულთა ასოციაცია, საპატიო წევრი (2017-)
• აშშ-ს არმიის სამეთაურო-საშტაბო კოლეჯის დიდების დარბაზი, საპატიო წევრი (2017-)
• საქართველოს მე-10 მოწვევის პარლამენტი, წევრი (2020-)
• საქართველოს მე-10 მოწვევის პარლამენტის ადამიანის უფლებათა დაცვისა და სამოქალაქო ინტეგრაციის კომიტეტ, წევრი (2021-)
• საქართველოს მე-10 მოწვევის პარლამენტის თავდაცვისა და უშიშროების კომიტეტი, კომიტეტის თავმჯდომარის მოადგილე (2020-)
• საქართველოს მე-10 მოწვევის პარლამენტის ფრაქცია "ქართული ოცნება", წევრი (2020-)

• 2019 - მედალი "თეთრი გიორგი"
• 2017 - მედალი "დიდგორის ჯვარი"
• 2017 - უწყებრივი მედალი "სამშვიდობო ოპერაციებში მონაწილეობისათვის" (ავღანეთის ისლამური რესპუბლიკა)
• 2016 - მედალი "სამშობლოსათვის თავდადებული"
• 2014 - ოქროს საწმისის ორდენი
• 2013 - მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (I ხარისხის)
• 2008 - მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (II ხარისხის)
• 2006 - მედალი "გენერალი მაზნიაშვილი"
• 1999 - მედალი "საბრძოლო დამსახურებისთვის"
  საქართველოს ტერიტორიული მთლიანობისათვის ბრძოლაში გამოჩენილი მამაცობისათვის, თავდადებისა და სამსახურებრივი მოვალეობის შესრულებისას მხედრული ვალის მოხდისათვის