თენგიზ ნოზაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1953 წელს.

მუშაობდა თბილისის სახელმწიფო უნივერსიტეტის იურიდიული ფაკულტეტზე; 1958 წლიდან მოღვაწეობდა საქართველოს ტელესტუდიაში; 1959 წელს გადაიღო პირველი სრულმეტრაჟიანი დოკუმენტური ფილმი. 1960-იანი წლების დამდეგიდან მოღვაწეობს საქართველოს სამეცნიერო-პოპულარული და დოკუმენტური ფილმების სტუდიაში "მემატიანე" (იყო ერთ-ერთი შემოქმედებითი გაერთიანების სამხატვრო ხელმძღვანელი). გადაღებული აქვს არა ერთი მნიშვნელოვანი დოკუმენტური ფილმი (მათ შორის "გულშემატკივრები", "მიხეილ ხერგიანი", "ქართული ტიხრული მინანქარი", "რუსთაველი და მისი ეპოქა", "რუსთაველი 800", "გზა ოლიმპოსაკენ", "თასი - 76" და სხვ.); 1945 წელს თბილისის სახელმწიფო უნივერსიტეტში ჩამოყალიბდა საქართველოში პირველი ჯაზორკესტრი, რომლის ორგანიზატორები იყვნენ ორკესტრის პირველი ხელმძღვანელი იოსებ ტუღუში და იმხანად იურიდიული ფაკულტეტის სტუდენტი თენგიზ ნოზაძე (იგი ორკესტრში I ალტ-საქსოფონზე უკრავდა); რამდენიმე წლის შემდეგ ნოზაძე თავის ჯაზორკესტრში (პოლიტექნიკური ინსტიტუტის ცნობილი ორკესტრი) მიიწვია ჯანო ბაგრატიონმა; აქ იგი უკრავდა 1956 წლამდე; მან აღზარდა არა ერთი ქართველი კინოდოკუმენტალისტი; რეჟისორი-კინოდოკუმენტალისტი, ქართული პროფესიული ჯაზის ერთ-ერთი ფუძემდებელი (1945).

წყარო: ბილიკები ხელოვნების მწვერვალებისაკენ : ნარკვევი თბილ. სახელმწ. უნ-ტის თვითმოქმედების ისტორიიდან /თამარ გომართელი.-თბ.,1981.-288-290; ეროვნული ფილმოგრაფიის პორტალი: geocinema.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.145

• 1997 - ღირსების ორდენი
• 1985 - საქართველოს ხელოვნების დამსახურებული მოღვაწე