ავთანდილ ჩუბინიძე

დაამთავრა სერგო ზაქარიაძის სახელობის ტრადიციული და თანამედროვე ხელოვნების კოლეჯი - ქორეოგრაფიული მიმართულებით 2009 წელს; საქართველოს შოთა რუსთაველის თეატრისა და კინოს სახელმწიფო უნივერსიტეტის საბაკალავრო პროგრამა  - დამდგმელი ქორეოგრაფის სპეციალობა - ქორეოგრაფიული ხელოვნების ბაკალავრის აკადემიური ხარისხით 2016 წელს; ამავე უნივერსიტეტის ქორეოგრაფიული ხელოვნების სამაგისტრო პროგრამა - ქართული ცეკვისა და სადადგმო ხელოვნების პედაგოგი - ქორეოგრაფიული ხელოვნების მაგისტრის აკადემიური ხარისხით 2018 წელს.

2009 წლიდან ქორეოგრაფიული ანსამბლის "როკვა" (სამხ. ხელმძღვ. უ. დვალიშვილი) მსახიობ-მოცეკვავე; 2009-2013წწ. სერგო ზაქარიაძის სახელობის ტრადიციული და თანამედროვე ხელოვნების კოლეჯი - ქართული ცეკვისა და სადადგმო ხელოვნების პედაგოგი; 2011 წლიდან მიმდინარე - ქორეოგრაფიული ინტ-გვერდის chub1na.ge იდეის ავტორი და მმართველი; 2018-2020წწ.  ინგლისური ენის გაძლიერებული სწავლების კერძო სკოლა "ნინო", პედაგოგ-ქორეოგრაფი. შემოქმედებითი პროექტები: ფოლკლორის სახელმწიფო ცენტრი - ქორეოგრაფიის მასტერკლასის მონაწილე (2007), ფოლკლორის სახელმწიფო ცენტრი – სვანური ცეკვის მასტერკლასის მონაწილე (2008); ფოლკლორის სახელმწიფო ცენტრი - ქართული ხალხური ცეკვებისა და რაჭული ხალხური ცეკვის მასტერკლასის მონაწილე (2009); ფოლკლორის სახელმწიფო ცენტრი – მეგრული ცეკვის მასტერკლასის მონაწილე (2010); Battery Dance Company (ვორკშოპი) მონაწილე (2013); საქართველოს შოთა რუსთაველის თეატრისა და კინოს სახელმწიფო უნივერსიტეტის პროექტი: სტუდენტური ქორეოგრაფიული ფორუმ-ფესტივალი "ტერფსიქორე" – ჰიპ-ჰოპის (ჯგუფი სვეგერსი) მასტერკლასის მონაწილე (2015); საქართველოს შოთა რუსთაველის თეატრისა და კინოს სახელმწიფო უნივერსიტეტის პროექტი: სტუდენტური ქორეოგრაფიული ფორუმ-ფესტივალის "ტერფსიქორე" ფარგლებში, ნუგზარ ჯიქურისა და რუსუდან ჭრიკიშვილის ცეკვა "ქართულის" ვორქშოპის მონაწილე (2016); პოლონეთის, ლიუბლინის ცეკვის თეატრისა და თეატრალური უნივერსიტეტის საერთაშორისო პროექტი - ქორეოგრაფიის თანამედროვე ტექნოლოგიების ვორკშოპის მონაწილე (2016); საქართველოს შოთა რუსთაველის თეატრისა და კინოს სახელმწიფო უნივერსიტეტის  ქორეოგრაფიული დეპარტამენტის პროექტი, გამოჩენილი ქორეოგრაფის ნოდარ (ჯანო) ჯანიაშვილის შემოქმედებითი საღამოს ჩატარება - პროექტის შემოქმედებითი ჯგუფის წევრი (2017); საქართველოს შოთა რუსთაველის თეატრისა და კინოს სახელმწიფო უნივერსიტეტის "სტუდენტური ქორეოგრაფიული ფორუმ-ფესტივალის ტერფსიქორე-2018" ფარგლებში მარიამ ალექსიძის თანამედროვე ცეკვის მასტერკლასის მონაწილე (2018); საქართველოს შოთა რუსთაველის თეატრისა და კინოს სახელმწიფო უნივერსიტეტის დრამის ფაკულტეტის ქორეოგრაფიული დეპარტამენტის პროექტი: სტუდენტური ქორეოგრაფიული ფორუმ-ფესტივალი "ტერფსიქორე-2019" ფარგლებში ვორქშოპის "ჯორჯ ბალანჩინი და თანამედროვე ამერიკული საბალეტო სკოლა" მონაწილე (2019); ფოლკლორის სახელმწიფო ცენტრის მიერ ორგანიზებული ქართული (აჭარული) ხალხური ცეკვის მასტერკლასის მონაწილე (2019). 2018 წლიდან მიმდინარე - საქართველოს შოთა რუსთაველის თეატრისა და კინოს სახელმწიფო უნივერსიტეტი - დოქტორანტი, შემოქმედებითი პედაგოგიკა - ქორეოგრაფიის ხელოვნება. 2013 წლიდან მონაწილეობს სამეცნიერო კონფერენციებში. 2014 წელს არის ფესტივალის "ტერფსიქორე 2014" გამარჯვებული - ქორეოგრაფიული ეტიუდი ,"ნელი ტანგო" - დამდგმელი ქორეოგრაფი. 2019 წლიდან, საქართველოს შოთა რუსთაველის თეატრისა და კინოს სახელმწიფო უნივერსიტეტის - ქორეოგრაფიული ანსამბლ როკვის ქორეოგრაფ-რეპეტიტორი. ასევე ავტორი წიგნისა - "ზაქარიაძელები 85", რომელიც ს. ზაქარიაძის სახელობის ტრადიციული და თანამედროვე კოლეჯის 85 წლის იუბილეს მიეძღვნა, რომელიც 2022 წლის 5 ოქტომბერს შედგა. პროექტი ქალაქ თბილისის მერიამ დააფინანსა. 2021 წლის 24 სექტემბერს ავთანდილ ჩუბინიძე გახდა ლექტორი საქართველოს შოთა რუსთაველის თეატრისა და კინოს სახელმწიფო უნივერსიტეტში... საგანი "ქორეოგრაფიული ხელოვნების ნიმუშები" დამდგმელი ქორეოგრაფი, პედაგოგ-ქორეოგრაფი, ქორეოგრაფიული ხელოვნების მაგისტრი.

წყარო: ეროვნული ქორეოგრაფიის ცენტრის NCC "GE ART" ინოვაციური ქორეოგრაფიული პლატფორმა: choreography.ge

• ქორეოგრაფიული ვებ-გვერდი CHUB1NA.GE, დამფუძნებელი

• 2024 - ომარ მხეიძის სახელობის პრემია (ქართული ქორეოგრაფიის ეროვნული ცენტრი)