თემურ ჯანგველაძე

დაბადების ადგილი: ქ. აბაშა.

დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი 1977 წელს; ასპირანტურა - 1983 წელს.

1977 წლიდან - თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტი - უმცროსი, უფროსი და წამყვანი მეცნიერ-თანამშრომელი; 1977-2009წწ. - მექანიკა-მათემატიკის ფაკულტეტის გამოთვლითი მათემატიკისა და ინფორმატიკის კათედრა - დოცენტი, პროფესორი; 1998 წლიდან სოხუმის სახელმწიფო და კავკასიის უნივერსიტეტების მიწვეული პროფესორი; 2006-2010წწ. - ილიას სახელმწიფო უნივერსიტეტის პროფესორი; 2013 წლიდან საქართველოს ტექნიკური უნივერსიტეტის პროფესორი; 2012-2013წწ. - ფულბრაიტის პროგრამით იყო აშშ-ის ქ. მონტერეის ნავალის სადოქტორო სკოლის გამოყენებითი მათემატიკის დეპარტამენტის მიწვეული პროფესორი; 2014 წლიდან - საქართველოს ტექნიკური უნივერსიტეტი, მათემატიკის დეპარტამენტი, სრული პროფესორი; 2014 წლიდან - კავკასიის უნივერსიტეტი, მიწვეული პროფესორი. მისი სამეცნიერო კვლევის ძირითადი მიმართულებებია: მათემატიკური ფიზიკის ზოგიერთი არაწრფივი ამოცანის გამოკვლევა და მიახლოებითი ამოხსნა; სასრულ-სხვაობიანი, სასრულ-ელემენტთა და გალიორკინის ალგორითმების შესწავლა; ჩვეულებრივი და კერძოწარმოებულებიანი დიფერენციალური განტოლებებისათვის დასმული არაკლასიკური სასაზღვრო ამოცანების ვარიაციული ფორმულირება და დეკომპოზიციური მეთოდებით ამოხსნა. ფიზიკა-მათემატიკის მეცნიერებათა დოქტორი (1998), პროფესორი (2000).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.311

• წრფივი ალგებრა : სახელმძღვანელო (თანაავტორი). - თბილისი, კავკასიის უნ-ტი, 2015. - 154გვ. . - ISBN: 9789941928574
• კალკულუსი : სახელმძღვ. (თანაავტორი). - თბილისი, კავკასიის უნ-ტი, 2015. - 396გვ. . - ISBN: 9789941928581
• მათემატიკა : ლექციების კურსი სავარჯიშოებით (თანაავტორი). - თბილისი, კავკასიის უნ-ტი, 2009. - 515გვ.. - ISBN: 9789994086191
• ჩვეულებრივი დიფერენციალური განტოლებების მიახლოებითი ამოხსნის მეთოდები : სახელმძღვ. სტუდ. (ავტორი). - თბილისი, თბილ. უნ-ტის გამ-ბა, 2005. - 307გვ. . - ISBN: 9994012649