ზურაბ ჯაფარიძე

დაბადების ადგილი: სოფელი ურავი, ამბროლაურის რაიონი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი, სპეციალობით - კვების საწარმოთა მანქანები და აპარატები 1968 წელს.

1969 წლიდან მუშაობს საქართველოს პოლიტექნიკური ინსტიტუტის კვების საწარმოთა მოწყობილობების კათედრაზე: ასისტენტის, დოცენტის, პროფესორის, ხოლო 2006 წლიდან - სრული პროფესორის აკადემიურ თანამდებობაზე; 2007-2012წწ. იყო საქართველოს ტექნიკური უნივერსიტეტის კვებისა და სამაცივრო მოწყობილობების და წარმოების ავტომატიზაციის მიმართულების ხელმძღვანელი; 2012 წლიდან არის კვების ინდუსტრიის დეპარტამენტის პროფესორი. სამეცნიერო-კვლევებისა და მოღვაწეობის ძირითადი მიმართულებებია ჩაის, მეღვინეობის, მცენარეული ნედლეულის გადამამუშავებელი ტექნოლოგიური მოწყობილობების ოპტიმიზაციის ამოცანების გადაწყვეტა, აგრეთვე კვების ფხვიერი პროდუქტების მექანიკის საკითხების კვლევა; შეისწავლის მშრალი ჩაის სეპარაციისა და დახარისხების პრობლემების საკითხებს, ასევე მეღვინეობის ინოვაციური მოწყობილობების შექმნას და ოპტიმიზაციას. მის მიერ შესრულებული სამეცნიერო-კვლევითი სამუშაოები სხვადასხვა დროს წარმატებით იყო დანერგილი ჩაისა და პირველადი მეღვინეობის საწარმოებში მაღალი ეკონომიკური ეფექტით. მიღებული აქვს სახელმწიფო ჯილდოები. ტექნიკის მეცნიერებათა დოქტორი (2006), პროფესორი (2006).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.313

• საქართველოს საინჟინრო აკადემია, წევრ-კორესპონდენტი (2005-)

• მემცენარეობის პროდუქციის გადამუშავების ტექნოლოგიები : სახელმძღვანელო (თანაავტორი). - თბილისი, შ.პ.ს. "ბენე", 2018. - 376გვ.. - ISBN: 9789941279287
• კვების პროდუქტების ტექნოლოგია : დამხმ. სახელმძღვანელო (თანაავტორი). - თბილისი, ტექნ. უნ-ტი, 2016. - 528გვ. . - ISBN: 9789941206085
• კვების პროდუქტების წარმოების და სიცივის მიღების პროცესები და აპარატები : სახელმძღვ. (თანაავტორი). - თბილისი, ტექნ. უნ-ტი, 2012. - 276გვ.. - ISBN: 9789941201264
• კვების ფხვიერი პროდუქტების მექანიკა (თანაავტორი). - თბილისი, ტექნ. უნ-ტი, 2008. - 60გვ. . - ISBN: 9789941140792
• კვების საწარმოთა ნაკადური ხაზები : სახელმძღვ. (თანაავტორი). - თბილისი, ტექნ. უნ-ტი, 2007. - 59გვ.. - ISBN: 9789941140228