ელგუჯა მარღია

დაბადების ადგილი: სოფელი ლია, წალენჯიხის რაიონი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ჟურნალისტიკის ფაკულტეტი 1990 წელს; არის აკადემია "ველესას" ადმინისტრირებული ცენტრის სერთიფიცირებული სპეციალისტი "საკადრო მუშაობის საფუძვლებში" (2005).
1978 წლიდან იბეჭდება მისი ლექსები და თარგმანები სხვადასხვა ლიტერატურულ ჟურნალ-გაზეთებში: ("პირველი სხივი", "ცისკარი", "მნათობი", "ნობათი", "ლიტერატურული საქართველო", "რუბიკონი", "მესამე გზა", "სიტყვა" და ა.შ.); 1985-1988წწ. მუშაობდა გაზეთ "ქართული ქრონიკის" რედაქტორის მოადგილედ; 1986-1989წწ. იყო ლიტერატურულ – პუბლიცისტურ ჟურნალ "ფენიქსის" ლიტმუშაკი; 1990-1991წწ. ახალგაზრდა ლიტერატორთა ცენტრის გაზეთ "მესამე გზის "რედაქციის ლიტმუშაკი; 1991-1992წწ. გაზეთ "მესამე გზის" მთავარი რედაქტორის მოადგილე; 1992-1996წწ.  ლიტერატორთა რესპუბლიკური ცენტრის შემოქმედებითი სექტორის ხელმძღვანელი; 1996 წლიდან აქვს საავტორო რუბრიკა "ადამიანი + ბუნება"; 1998 გადაცემათა ციკლი "ენგურჰესის ისტორია"; 1996-2004 რამდენიმე ასეული სიუჟეტი სხვადასხვა თემაზე. 1996-1997წწ. ჟურნალ "ცისკრის" ლიტმუშაკი; 1997-2001წწ. გაზეთ "კრიმინალური ქრონიკის" კორესპონდენტი; 2001-2004წწ. საქტელერადიომაუწყებლობის სტუდია "პუბლიცისტის" პოლიტიკური მიმომხილველი; 2004 წელს  საქტელერადიომაუწყებლობის შ/გ "ალიონის" კორესპონდენტი; 2004 შ/გ "ალიონის" რედაქტორი; 2004 შ/გ "ალიონის" კოორდინატორი; 2004-2011წწ. საზოგადოებასთან ურთიერთობის სააგენტო "პროფილის" დამფუძნებელი, საკონსულტაციო ჯგუფის ხელმძღვანელი, საინფორმაციო ანალიტიკური პორტალი "ქართული ბრენდის" მთავარი რედაქტორი; 2010-2011წწ. ჟურნალ "ცისკრის" საზოგადოებასთან ურთიერთობის განყოფილების ხელმძღვანელი; მიღებული აქვს ჯილდოები: საქართველოს მწერალთა კავშირის ახალგაზრდული პირველი პრემია ჟურნალ "ცისკრის" რედაქციის წარდგინებით 1992 წელს; თბილისის მერიის, ახალგაზრდობის საქმეთა თბილისის სამმართველოსა და წიგნის მოყვარულთა საზოგადოება "ბესტსელერის" ლიტერატურული მეორე პრემია; 2007 აფხაზეთის ა/რ განათლებისა და კულტურის სამინისტროს პირველი პრემია; მან 2003 წელს მანანა გეგიძესთან ერთად დააფუძნა საზოგადოებასთან ურთიერთობის სააგენტო "პროფილი", რომლის ბაზაზეც შეიქმნა საინფორმაციო-ანალიტიკური პორტალი Brand News, რომელიც ატარებს ხოლმე ყოველწლიურ კონკურსს "ქართული ბრენდის დღე"; 2013 წელს გამოსცა 230 გარდაცვლილი ავტორის პოეზიის, პროზის, თარგმანების, ესეების, წერილების სამტომეული, სახელწოდებით "ხსოვნის ნათელი"; 2018 წელს ნოდარ დუმბაძის სახელობის მოზარდ მაყურებელთა თეატრმა საქართველოს დამოუკიდებლობის ასი წლისთავს მიუძღვნა ელგუჯა მარღიას რობაიების მიხედვით დადგმული სპექტაკლი "ომარ ხაიამ, შეიწყალე ჩემი რობაი!" (ინსცენირება იოსებ ჭუმბურიძისა).
წყარო: ლიტერატურული კლუბი:  biblioteka.litklubi.ge; ბურუსი: burusi.wordpress.com; საინფორმაციო ანალიტიკური პირტალი Brand News: web.archive.org

• საქართველოს მწერალთა საერთო ეროვნული კავშირი, წევრი (1993-)

• 2017 - მუხრან მაჭვარიანის სახელობის ლიტერატურულ კონკურსი "პოეტური მინიატურები", მეორე ადგილი
• 2017 - ლიტერატურისა და ხელოვნების კონკურსის "თბილისის" დიპლომი , ფინალისტი
  წლის საუკეთესო პოეტური ნაწარმოებისათვის
• 2017 - "წმინდა ნინოს ჯვარი", მთავარი პრიზი, ქრისტიანული პოეზიის მეშვიდე ფესტივალზე
  ლექსისათვის "ენდალმა"

• კავკასიური პოეზიის კრებული : პოეტთა საავტორო ლექსები და მათი თარგმანები კავკასიის ხალხთა ენებზე (თანაავტორი). - თბილისი, 2019. - 382გვ.. - ISBN: 9789941477522
• თურქული პოეზიის ანთოლოგია = Türk şiiri antolojisi (მთარგმნელი). - თბილისი, საჩინო, 2018. - 120გვ.. - ISBN: 9789941953378
• მე ვგავდი ჩემი სამშობლოს წარსულს : ნოდარ გრიგალაშვილი-60 : : მოგონებები (შემდგენელი). - თბილისი, სერგი კაკალაშვილი, 2018. - 316გვ.. - ISBN: 9789941800375
• საგანძურის რობაი და სხვა (ავტორი). - თბილისი, სვეტი, 2017. - 96გვ.. - ISBN: 9789941950063
• დროის არითმია : 333 რობაი (ავტორი). - თბილისი, უნივერსალი, 2017. - 194გვ.. - ISBN: 9789941261572
• 110 რობაი (ავტორი). - თბილისი, საუნჯე, 2015. - 142გვ.. - ISBN: 9789941451812
• ნაბადი : პოეზია (ავტორი). - თბილისი, პროფილი : სვეტი, 2011. - 286გვ.. - ISBN: 978-9941-9230-2-9
• საზოგადოებასთან ურთიერთობის სამაგიდო ენციკლოპედია = Public Relations (ავტორი). - თბილისი, ცოტნე, 2006. - 293გვ.. - ISBN: 99940-41-09-6
• დუმილის სივრცე : ლექსები (ავტორი). - თბილისი, ცოტნე, 2001. - 212გვ.
• როგორც წყვდიადში შემოდის თოვლი (ავტორი). - თბილისი, მერანი, 1993. - 120გვ.