ვალერიან ვადაჭკორია

დაბადების ადგილი: სოფ. ჭანჭათი, ლანჩხუთის რ-ნი.

დაამთავრა საქართველოს პოლიტექნიკური ინსტიტუტი ინჟინერ-მექანიკოსის კვალიფიკაციით 1942 წელს.

1942-1947წწ. - თბილისის საავიაციო ქარხანა - ოსტატის თანაშემწე, ოსტატი, ცვლის უფროსი, საამქროს უფროსის მოადგილე, 1947-1950წწ. - საამქროს უფროსი; 1950 წელს ჩაირიცხა მსმენელად მოსკოვის საავიაციო მრეწველობის აკადემიაში თვითმფრინავმშენებლობის ფაკულტეტზე, რომლის დამთავრების შემდეგ დაუბრუნდა თბილისის საავიაციო ქარხანას და დანიშნულ იქნა ქარხნის მთავარი ტექნოლოგის მოადგილედ; 1952-1955წწ. - ქუთაისის მანქანათმშენებლობის ქარხნის დირექტორი; 1955-1957წწ. - ქუთაისის აღმასკომის თავმჯდომარე; 1957-1966წწ. - საქართველოს ადგილობრივი მრეწველობის მინისტრის მოადგილე, საქართველოს სახალხო მეურნეობის საბჭოს მანქანათმშენებლობისა და ელექტროტექნიკური მრეწველობის სამმართველოს უფროსი, საქართველოს კპ ცკ-ის მანქანათმშენებლობისა და ტრანსპორტის განყოფილების უფროსი; 1966-1971წწ. - საქართველოს კვების მრეწველობის მინისტრი; 1971-1990წწ. - საქართველოს მინისტრთა საბჭოს თავმჯდომარე. წლების მანძილზე იყო საქართველოს პოლიტექნიკური ინსტიტუტის სახელმწიფო საგამოცდო კომისიის თავმჯდომარე; 30-იანი, 40-იანი და 50-იანი წლების რეპრესირებულთა და მათი უფლებების აღდგენის საქართველოს უმაღლესი საბჭოს პრეზიდიუმის კომისიის თავმჯდომარე. მრავალი სამეცნიერო ნაშრომის და 5 გამოგონების ავტორი. მიღებული ჰქონდა სახელმწიფო ჯილდოები. გამოჩენილი ინჟინერ-მექანიკოსი, საზოგადო მოღვაწე.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.63-64

• 1961 - საქართველოს დამსახურებული ინჟინერი

• მრეწველობა, ტრანსპორტი, კავშირგაბმულობა (ავტორი). - თბილისი, საბჭ. საქართველო, 1976. - 46გვ.
• პოლიმერული მასალები და მათი გამოყენება მანქანათმშენებლობაში (თანაავტორი). - თბილისი, საბჭ. საქართველო, 1966. - 449გვ.