აკაკი დიასამიძე

დაბადების ადგილი: ქ. ბათუმი.

დაამთავრა ბათუმის საზღვაო სასწავლებელი 1972 წელს; ნოვოროსიისკის უმაღლესი საზღვაო-საიმჟინრო სასწავლებელი (НВИМУ) და ბათუმის სახელმწიფო საზღვაო აკადემია 1995 წელს. 

კურსანტობის პერიოდში საზღვაო-საცურაო პრაქტიკები გაიარა თბომავალ «ვასილ კოლაროვზე» და საქართველოს საზღვაო სანაოსნოს  ტანკერებზე: «მაშტაგზე», «ჩარჯოუზე» და «ქარელზე»; 1972 წელს, სასწავლებლის დასრულებისთანავე ზღვაში საქმიანობა საქართველოს საზღვაო სანაოსნოს ტანკერ «ნეფტეგორსკზე» დაიწყო; მომდევნო წლებში შტურმანად და კაპიტნის თანაშემწედ ცურავდა ტანკერებზე «სამტრედია», «ალექსეევკა», «ახალციხე», «აქტაუ», «ასპინძა», «ბოლშევიკი კამო»  და «დავით ბაქრაძე», 1988 წელს კი ტანკერ «აკადემიკოს უზნაძის» კაპიტნის უფროსი თანაშემწე გახდა; 1995 წელს კაპიტნობა პირველად საქართველოს საზღვაო სანაოსნოს ყოფილ ტანკერ «აკადემიკოს უზნაძეზე», იმ დროს უკვე მალტის დროშის ქვეშ მცურავი ჩაიბარა; იგი მეთაურობდა სანაოსნო კომპანია «ადჯარ შიფინგის» კუთვნილ ტანკერებს - «გონიოსა» და «ქობულეთის» ეკიპაჟებს; 1999 წლიდან გერმანული სანაოსნო კომპანია «კოლუმბია შიფმენეჯმენტის» მოქმედი კაპიტანია. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2002 - ღირსების ორდენი