დავით კილაძე

განათლება არ მიუღია; 1905 წლის თებერვალში შევიდა კომუნისტური პარტიის რიგებში; 1903-1904წწ. მუშაობდა ქ. ფოთში ტუღუშის სტამბაში; 1904 წლის სექტემბრიდან 1905 წლამდე ფოთის პორტში მტვირთავად; 1905 წელს ხელმძღვანელობდა რსდმპ მებრძოლთა რაზმს, რომელიც გაგზავნილ იქნა სოჭში შეიარაღებული აჯანყების დასახმარებლად; 1905-1907წწ. იმყოფებოდა ფოთსა და ბაქოში არალეგალურ მდგომარეობაში; 1906-1907წწ. იყო რსდმპ-ს ბაქოს საბრძოლო ორგანიზაციის წევრი და მონაწილეობას იღებდა სპარსეთის აჯანყებაში; 1907 წლის აგვისტოში რსდმპ-ს დავალებით ეკატერინოდარში (ქ. კრასნოდარი) გაემგზავრა, სადაც 9 სექტემბერს დააპატიმრეს; თბილისის სასამართლო პალატამ და სამხედრო-სამხარეო სასამართლომ მას კატორღა მიუსაჯა; 1907-1917წწ. გადასახლებაში იმყოფებოდა ენისელის გუბერნიის კანის მაზრაში, სადაც აგურისა და ლუდსახარშ ქარხნებში შავ მუშად მუშაობდა; 1917 წლის თებერვლიდან ოქტომბრამდე ქ. ბაქოში საგამოძიებო კომისიის წევრი იყო; 1917-1918წწ. ბაქოს დაცვის მფრინავი რაზმის უფროსის თანაშემწე; 1918 წლის მარტიდან მაისამდე ტუბერკულიოზისგან მკურნალობდა ფოთში; ამავე წელს იყო რკპ (ბ) ფოთის იატაკქვეშა საქალაქო კომიტეტის თავმჯდომარე; 1919-1920წწ. რკპ (ბ) ქუთაისის იატაკქვეშა საგუბერნიო კომიტეტის წევრი; ხელისუფლების მიერ ორჯერ იქნა დაპატიმრებული; 1920-1921წწ. იყო სამხედრო ორგანიზაციის წევრი, რომელიც საქართველოში აჯანყებას ამზადებდა; 1921-1922წწ. საქართველოს სახალხო მეურნეობის უმაღლესი საბჭოს სატყეო კომიტეტის კოლეგიის წევრი გახლდათ; 1922 წელს თბილისში ტრესტის მმართველად მუშაობდა; 1922 წლიდა 1924 წლის ივლისამდე იყო საქართველოს საგანგებო კომისიის თანამშრომელი; 1924 წლის ივლისიდან 1924 წლის 30 ოქტომბრამდე აჭარის ასსრ საგანგებო კომისიის საიდუმლო-ოპერატიული ნაწილის უფროსი; 1924 წლის ივლისიდან 1925 წლის ნოემბრამდე აჭარის ასსრ საგანგებო კომისიის თავმჯდომერის მოადგილე; 1925 წლის ნოემბრიდან 1926 წლის სექტემბრამდე ამიერკავკასიისა და საქართველოს საგანგებო კომისიების კოლეგიასთან არსებული განსაკუთრებული რწმუნებული; 1925-1926წწ. საკავშირო კპ(ბ) ცკ-ს დავალებით თურქეთში იმყოფებოდა; 1926 წლის სექტემბრიდან 1928 წლის ივნისამდე იყო ქუთაისის მაზრის პოლიტბიუროს უფროსი; 1928 წლის 17 ივნისიდან 1930 წლის აპრილამდე აჭარის ასსრ სახელმწიფო პოლიტიკური სამმართველოს თავმჯდომარე; 1930 წლის 12 მაისიდან აგვისტომდე სახელმწიფო პოლიტიკური სამმართველოს თბილისის სამხარეო განყოფილების უფროსი; 1930 წლის 23 სექტემბრიდან 1931 წლის 27 სექტემბრამდე გაერთიანებული სახელმწიფო პოლიტიკური სამმართველოს ამიერკავკასიის სრულუფლებიან წარმომადგენლობაში ადმინისტრაციულ-საორგანიზაციო სამმართველოს უფროსი; 1931 წლის 27 სექტემბრიდან 1931 წლის 11 ნოემბრამდე გაერთიანებული სახელმწიფო პოლიტიკური სამმართველოს ამიერკავკასიის სრულუფლებიან წარმომადგენლობაში საერთო განყოფილების უფროსი; 1931 წლის 11 ნოემბრიდან 1933 წლის 10 აპრილამდე გაერთიანებული სახელმწიფო პოლიტიკური სამმართველოს ამიერკავკასიის რკინიგზის საგზაო-სატრანსპორტო განყოფილების უფროსი; 1932 წლის თებერვლიდან 1933 წლის 8 აპრილამდე საქართველოს სსრ სახელმწიფო პოლიტიკური სამმართველოს კოლეგიის წევრი; 1933 წლის 10 აპრილიდა 1934 წლის 10 ივლისამდე საქართველოს სსრ სახელმწიფო პოლიტიკური სამმართველოს თავმჯდომარე; ამავე დროს ამიერკავკასიის სახელმწიფო პოლიტიკური სამმართველოს თავმჯდომარის მეორე მოადგილე; 1934 წლის 15 ივლისიდან 11 ნოემბრამდე შინაგან საქმეთა სახალხო კომისარიატის საქართველოს სამმართველოს უფროსი; 1935 წლიდან 1936 წლის დეკემბრამდე მუშაობდა ამიერკავკასიის სახალხო კომისართა საბჭოსთან არსებული საბჭოთა კავშირის საშინაო ვაჭრობის სახალხო კომისარიატის რწმუნებულის მოადგილედ; 1935 წლის აგვისტოდან 1937 წლამდე საქართველოს სსრ სახალხო კომისართა საბჭოსთან არსებული საბჭოთა კავშირის საშინაო ვაჭრობის სახალხო კომისარიატის რწმუნებულად; დაჯილდოებულია საკავშირო საგანგებო კომისიის სახელმწიფო პოლიტიკური სამმართველოს საპატიო მუშაკის ნიშნით; დავით კილაძე 1937 წლის 4 ოქტომბერს დახვრიტეს.

წყარო: XX საუკუნის საქართველოს შინაგან საქმეთა და უშიშროების მინისტრები /თუშურაშვილი ო., ჯახუა ი. - თბ., 2013. - გვ.52-53; საქართველოს პარლამენტის ეროვნული ბიბლიოთეკა: სტალინური სიები საქართველოდან: nplg.gov.ge

• 1932 - წითელი დროშის ორდენი
• 1932 - შრომის წითელი დროშის ორდენი, აზერბაიჯანის სსრ
• 1932 - შრომის წითელი დროშის ორდენი, საქართველოს სსრ
• 1931 - შრომის წითელი დროშის ორდენი (ამიერკავკასიის)
• 1930 - წითელი დროშის ორდენი