ოთარ კერვალიშვილი

დაბადების ადგილი: სოფელი სორი, ონის რაიონი.

დაამთავრა საქართველოს პოლიტექნიკური ინსტიტუტის ელექტრომექანიკური ფაკულტეტი ინჟინერ-ელექტრომექანიკოსის კვალიფიკაციით 1952 წელს.

1952-1955წწ. მუშაობდა ვორონეჟის ელექტრომექანიკურ ქარხანაში; 1955-1958 წლებში სწავლობდა საქართველოს პოლიტექნიკური ინსტიტუტის ასპირანტურაში; 1958-1961წწ. სამეცნიერო მოღვაწეობას ეწეოდა საქართველოს მეცნიერებათა აკადემიის სამთო-მექანიკის, ხოლო 1961 წლიდან - თბილისის ელექტროტექნიკურ ინსტიტუტებში; 1962 წლიდან მთელი თავისი საქმიანობა მთლიანად დაუკავშირა საქართველოს პოლიტექნიკურ ინსტიტუტს; 1964 წელს მიენიჭა დოცენტის, 1981 წელს - პროფესორის წოდება; 1966 წელს იგი დაინიშნა ენერგეტიკის ფაკულტეტის დეკანის მოადგილედ; 1968 წელს აირჩიეს ამავე ფაკულტეტის დეკანად. მან დიდი ღვაწლი დასდო ენერგეტიკის ფაკულტეტზე სასწავლო პროცესისა და სამეცნიერო-კვლევითი საქმიანობის ორგანიზაციისა და სრულყოფილად მართვის უმნიშვნელოვანეს საქმეს; 1969-1995წწ. იყო "სამრეწველო საწარმოთა ელექტრომოწყობილობის" კათედრის გამგე. მრავალი სამეცნიერო ნაშრომის, 10-ზე მეტი მონოგრაფიის და სახელმძღვანელოების ავტორი. ენერგეტიკის დარგის ცნობილი მოღვაწე. ტექნიკის მეცნიერებათა დოქტორი, პროფესორი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.86-88; საქართველოს ენერგეტიკოსები, ტ.2. - თბ., 2010. - გვ.163; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საქართველოს ენერგეტიკის აკადემია, ნამდვილი წევრი
• საქართველოს საინჟინრო აკადემია, ნამდვილი წევრი

• 1998 - ღირსების მედალი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის

• ელექტროამძრავების ავტომატური მართვა (ავტორი) // ნაწ. 1. - თბილისი, საქ. პოლიტექნ. ინ-ტი, 1983. - 90გვ.
• ელექტროამძრავი და ელექტრომოწყობილობა : დამხმ. სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, საქართველოს პოლიტექნ. ინ-ტი, 1980. - 140გვ.
• ელექტროამძრავები ავტომატური მართვისა და რეგულირების საფუძვლებით : დამხმ. სახელმძღვ. (ავტორი). - თბილისი, საქართველოს ვ.ი. ლენინის სახ. პოლიტექნ. ინ-ტი, 1978. - 76გვ.
• ავტომატიზებული ელექტროამძრავის მოდელირება ანალოგიურ გამომთვლელ მანქანებზე (ავტორი). - თბილისი, საქართველოს ვ.ი. ლენინის სახ. პოლიტექნ. ინ-ტი, 1978. - 54გვ.
• ლაბორატორიული სამუშაოები ელექტროამძრავის თეორიაში (ავტორი) // ნაწ. 1. - თბილისი, საქ. პოლიტექნ. ინ-ტი, 1977. - 76გვ.