გურამ კვერნაძე

დაბადების ადგილი: ქ. ხონი.

დაამთავრა საქართველოს პოლიტექნიკური ინსტიტუტი.

მუშაობა დაიწყო ქ. ქუთაისის საავტომობილო ქარხანაში ინჟინერ-კონსტრუქტორად; შემდგომში საცხოვრებლად გადმოვიდა თბილისში; მოღვაწეობდა ბოლნისში; მისი პროექტით შეიქმნა 16 სხვადასხვა ტიპის ავტომობილი, მათ შორის, განსაკუთრებული აღიარება მოიპოვა 3-ხიდიანმა ავტომობილებმა "ივერიამ" და "თბილისმა", რომლებმაც მოსკოვში, სახალხო მეურნეობის მიღწევათა გამოფენაზე, ოქროს მედლები დაიმსახურეს; ასევე საყურადღებოა მის მიერ შექმნილი 3-ხიდიანი მაღალი გამავლობის სანიტარული ავტომობილი, რომლის შექმნისათვის მას მაშინდელი საკავშირო მანქანათმშენებლობის სამინისტროს მრავალი ჯილდო აქვს მიღებული. ეს ყველგანმავალი ავტომობილები გათვალისწინებული იყო მთაგორიანი რელიეფისა და ფაქტობრივად გაუვალი გზებისთვის; 1998 წელს მან თავისი ტრაგიკულად დაღუპული ერთადერთი ვაჟის - გიას სახელის უკვდავსაყოფად შექმნა სამხედრო დანიშნულების ქართული ავტომობილი "გია", რომელსაც მოდერნიზაცია გაუკეთა და "MS425" უწოდა. ამ მანქანას 20 ადამიანის გადაყვანა, ორი ტონა ტვირთის გადატანა და 44-გრადუსიანი აღმართის დაძლევა შეუძლია. ეს შედეგი ასეთი ტიპის მანქანისათვის დიდი იშვიათობაა. მანქანათმშენებელი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.88-89

• ბოლნისის საპატიო მოქალაქე
• ღირსების ორდენი
• საქართველოს დამსახურებული ინჟინერი