ნიკოლოზ კვინიხიძე

დაბადების ადგილი: ქ. ტყიბული.

 1939 წელს დაამთავრა საქართველოს ს. კიროვის სახელობის ინდუსტრიული ინსტიტუტი "საექსპლუატაციო" სპეციალობით 1939 წელს; დაამთავრა საბჭოთა კავშირის სამთო მრეწველობის აკადემია სამთო საბადოების დამუშავების მიწისქვეშა მეთოდის სპეციალობით 1952 წელს. 

1933 წლამდე მუშად მუშაობდა ტყიბულის სტალინის სახელობის შახტში; 1939-1940წწ. მუშაობდა კრივოიროგის "ლენინრუდის" ტრესტში რაიონულ ინჟინრად და უბნის უფროსად; 1940-1941წწ. იყო "მაკეევკნახშირის" უბნის უფროსი; 1941 წლიდან გარდაცვალებამდე მუშაობდა საქართველოს სამთო მრეწველობის სხვადასხვა საპასუხისმგებლო და ხელმძღვანელ თანამდებობებზე: ტყიბულის რაიონული სამთო ტექნიკური ინსპექციის უფროსად, სტალინის სახელობის შახტის მთავარ ინჟინრად, შახტის უფროსად, ვ. ლენინის სახელობის შახტის უფროსად, ტყვარჩელის "ტყვარჩელნახშირის" ტრესტის შახტის მთავარ ინჟინრად და შახტის უფროსად, "ახალციხენახშირისა" და "ტყიბულნახშირის" ტრესტების მთავარ ინჟინრად; "საქნახშირის" კომბინატის უფროსის მოადგილედ და საწარმოო გაერთიანება "საქნახშირის" დირექტორად წარმოების დარგში; მიღებული აქვს სახელმწიფო ჯილდოები.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.90

• 1961 - საქართველოს დამსახურებული ინჟინერი
• საპატიო ნიშნის ორდენი
• შრომის წითელი დროშის ორდენი