თეიმურაზ ხაჩიშვილი

დაბადების ადგილი: ქ. რუსთავი.

დაამთავრა შოთა რუსთაველის სახელობის თეატრალური ინსტიტუტი ორგანიზატორ-მეთოდისტის სპეციალობით 1988 წელს; იყო მოსკოვის კულტურის ხარისხის მაძიებელი.

აქტიურ მონაწილეობას იღებდა საქართველოს ეროვნულ-განმათავისუფლებელ მოძრაობაში; იბრძოდა საქართველოს ტერიტორიული მთლიანობისათვის; ის იყო შეიარაღებული დაჯგუფება "მხედრიონის" ერთ-ერთი ხელმძვანელი; 1992 წლის 11 მაისიდან 25 ნოემბრამდე მუშაობდა საქართველოს რესპუბლიკის საინფორმაციო-სადაზვერვო სამსახურის თავმჯდომარის პირველი მოადგილედ; 1992 წლის 25 ნოემბრიდან 1993 წლის 10 სექტემბრამდე იყო საქართველოს რესპუბლიკის შინაგან საქმეთა მინისტრი; 1993 წლის 20 ოქტომბრიდან 1995 წლის 8 სექტემბრამდე მუშაობდა  საქართველოს უშიშროების მინისტრის მოადგილედ; 1993 წლის 9 დეკემბერს მიენიჭა პოლიციის გენერალ-მაიორის წოდება; 3-ჯერ არის ნასამართლევი და დაპატიმრებული; შეწყალებულ იქნა 2002 წლის 5 ივლისს და გათავისუფლდა პატიმრობიდან; გათავისუფლების შემდეგ დააფუძნა პოლიტიკური მოძრაობა "დავითი"; 2004 წლის 25 აპრილს რუსთავის საქალაქო სასამართლოს ბრძანებით დაპატიმრებულ იქნა იარაღის უკანონო ტარებისა და შენახვის ბრალდებით; მოგვიანებით გაათავისუფლეს, რის შედეგაც მან საქართველო დატოვა. 

წყარო: XX საუკუნის საქართველოს შინაგან საქმეთა და უშიშროების მინისტრები /თუშურაშვილი ო., ჯახუა ი. - თბ., 2013. - გვ.91