ვლადიმერ ბალაძე

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1974 წელს.

1974-1976წწ. - თბილისის ავტომატიზაციის საშუალებათა სამეცნიერო-კვლევითი ინსტიტუტი, უმცროსი მეცნიერ-მუშაკი; 1976-1980წწ. - საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტი, ალგებრა-გეომეტრიის განყოფილება, ასპირანტი; 1980-1983წწ. - თბილისის სახელმწიფო უნივერსიტეტი, ალგებრა-გეომეტრიის კათედრა, ასისტენტი; 1983-1996წწ. - თბილისის სახელმწიფო უნივერსიტეტი, ალგებრა-გეომეტრიის კათედრა, დოცენტი; 1991-2004წწ. - ბათუმის შოთა რუსთაველის სახელმწიფო უნივერსიტეტი, მათემატიკის კათედრა, დოცენტი, პროფესორი; 1996-2005წწ. - თბილისის სახელმწიფო უნივერსიტეტი, ალგებრა-გეომეტრიის კათედრა, პროფესორი; 2005-2006წწ. - ბათუმის შოთა რუსთაველის სახელმწიფო უნივერსიტეტი, რექტორის მოადგილე სასწავლო აკადემიურ დარგში, სრული პროფესორი; 2006-2007წწ. - ბათუმის შოთა რუსთაველის სახელმწიფო უნივერსიტეტი, რექტორი, სრული პროფესორი; 2008 წლიდან ბათუმის შოთა რუსთაველის სახელმწიფო უნივერსიტეტი, მათემატიკის დეპარტამენტის ხელმძღვანელი, სრული პროფესორი; 2012 წლიდან Zentralblat Mathematical-ს რეფერენტი; 2013 წლიდან ჟურნალ Mathematical Reviews-ს რეფერენტი; 2014 წლიდან საქართველოს მეცნიერებათა აკადემიის ექსპერტი მათემატიკაში; 2018 წლიდან Tbilisi Mathematical Journal-ის სარედაქციო კოლეგიის წევრი; 2013-2018წწ. - ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის სადისერტაციო საბჭოს თავმჯდომარე; 2018 წლიდან ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის სადისერტაციო საბჭოს თავმჯდომარე. სამეცნიერო ინტერესების სფერო: ზოგადი ტოპოლოგია (განზომილების თეორია, უწყვეტ გარდაქმნათა ჯგუფების თეორია), ალგებრული ტოპოლოგია (ჰომოლოგიის თეორია, ჰომოტოპიის თეორია), გეომეტრიული ტოპოლოგია (რეტრაქტების თეორია, შეიპების თეორია), კატეგორიათა თეორია. ფიზიკა-მათემატიკის მეცნიერებათა დოქტორი (1994), პროფესორი (1996). 

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.13; ბათუმის შოთა რუსთაველის სახელმწიფო უნივერსიტეტი: bsu.edu.ge

• საქართველოს მათემატიკოსთა კავშირი, სათათბიროს წევრი (2013-)
• საქართველოს მათემატიკოსთა კავშირი, ვიცე-პრეზიდენტი (2008-2013)

• ტოპოლოგია : სახელმძღვანელო მათემატიკაში (ავტორი) // ნაწ. 1, ზოგადი ტოპოლოგიის საფუძვლები . - ბათუმი, ბათუმის შოთა რუსთაველის სახელმწ. უნ-ტი, 2016. - 285გვ.. - ISBN: 9789941462351
• ალგებრა და რიცხვთა თეორია (რედაქტორი) // ნაწ. 2, (მათემატიკის სპეციალობის სტუდენტებისათვის). - ბათუმი, შოთა რუსთაველის სახელმწ. უნ-ტის გამ-ბ, 2013. - 388გვ.. - ISBN: 9789941434365