აზა მდინარაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის სახელმწიფო უნივერსიტეტი, ფილოლოგიისა და კინოხელოვნების (მეორეული, კინოსასცენარო სპეციალობით) ფაკულტეტები; შოთა რუსთველის სახ. ლიტერატურის ინსტიტუტის ასპირანტურა.

მუშაობს ქართული ენისა და ლიტერატურის მასწავლებლად; იყო ახალგაზრდობის საგანმანათლებლო ასოციაცია "მთენის" გამგეობის თავმჯდომარე, ორი რესპუბლიკური შემოქმედ ბავშვთა ფესტივალის დირექტორი, საბავშვო გაზეთი "მთენის", საინფორმაციო სააგენტოსა და ჟურნალისტური სკოლის დირექტორი; საგამოძიებო ჟურნალისტიკის საგანმანათლებლო ჯგუფის პროექტის დირექტორი და ბავშვთა საზაფხულო ბანაკების ტრენერი და მენეჯერი; გამოქვეყნებული აქვს ლიტერატურული შრომები, პუბლიკაციები და საკუთარი ლექსები ქართულ სალიტერატურო პერიოდულ გამოცემებსა და კრებულებში: "ცისკარი", "კრიტიკა", "ლიტერატურული საქართველო", "ჩვენი მწერლობა", "პირველი სხივი", "კარს მიღმა", "ცისარტყელა" და სხვა; გატაცებული იყო ალპინიზმით – 30–ჯერ ასულა კავკასიონის (სვანეთის, ხევის, ხევსურეთის მწვერვალებზე, მათ შორის საქართველოს უმაღლეს მწვერვალ შხარაზე), ფანების მთებისა (შუა აზია) და ტატრების (პოლონეთი–სლოვაკეთი) მწვერვალებზე; მისი ჰობია ინტერიერის დიზაინი – არის ავტორი სხვადასხვა ბინის, ოფისის (სამოქალაქო საზოგადოების ინსტიტუტი), სილამაზის სალონის (33ა), ბარის ("ჯოილენდი", ბაკურიანი) ინტერიერის დიზაინისა.

წყარო: საბავშვო ავტორები: kids.ge; armuri.georgianforum.com

• ქართული მართლწერა მარტივად (Co-Author). - თბილისი, ქრონიკონი, 2023
• ქართული, 2022 : ერთიანი ეროვნული გამოცდა : ქართული ენა და ლიტერატურა : ტექსტის რედაქტირება, წაკითხულის გააზრება, წერითი დავალება / აზა მდინარაძე (Author). - თბილისი, ქრონიკონი, 2022. - ISBN: 978-9941-8-4121-7
• გამოცანები : რა ჰქვიათ ცხოველ-ფრინველთა შვილებს? (Author). - თბილისი, ავაზა, 2016. - 28გვ.. - ISBN: 9789941088728