ელგუჯა ლებანიძე

დაბადების ადგილი: სოფელი მუკუზანი, გურჯაანის რაიონი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი.

პირველი ლექსი − "ამაღლება" − 1962 წელს გამოაქვეყნა თბილისის სახელმწიფო უნივერსიტეტის გაზეთ "თბილისის უნივერსიტეტში", თუმცა დებიუტს გაგრძელება არ მოჰყოლია და ქართველმა მკითხველმა ელგუჯა ლებანიძე გაიცნო, როგორც სერიოზული და ნაყოფიერი ჟურნალისტი. იყო ახმეტის რაიონული გაზეთ "ბახტრიონის" რედაქტორი, "სოფლის ცხოვრების" კორესპონდენტი და განყოფილების გამგე; მუშაობდა სხვადასხვა რედაქციებში - "სიმართლე", "საქმიანი კვირა", "საქართველოს რესპუბლიკა" და სხვა; გამოქვეყნებული აქვს პროზაული თუ პოეტური კრებულები: "თბილისში ბარათებს არ აგზავნიან", "გადაწიეთ ფარდა, შემოუშვით სინათლე", "არა ოდენ მახვილით", "ბედი მდევარი", "აისიდან დაისამდე", "ვიდრე ნაფეხურები წაშლილა"; სისტემატურად აქვეყნებდა საყმაწვილო ლექსებსა და მოთხრობებს. 1996 წლიდან ინტენსიურად მუშაობდა პროზაში.  

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.484; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.314;  ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 199

• 2000 - ღირსების ორდენი
• 1990 - საქართველოს ჟურნალისტთა კავშირის პრემია
  ეკონომიკის თემაზე გამოქვეყნებული ნარკვევებისთვის

• დასაწყისი უკვდავებისა : ჩანახატები რენო თურქიას პორტრეტისათვის (ავტორი). - თბილისი, მერიდიანი, 1999. - 117გვ.
• არა ოდენ მახვილით! : მოთხრობები, ნარკვევები (ავტორი). - თბილისი, 1999. - 184გვ.
• თურმე მამაკაცებიც ტირიან : მოთხრობები (ავტორი). - თბილისი, 1999. - 110გვ.
• მანძილი მოსახვევამდე : მოთხრობები, ნარკვევები : საჩუქრად ღირსეულ ადამიანებს (ავტორი). - თბილისი, 1998. - 112გვ.