თომა მთავრიშვილი

დაბადების ადგილი: სოფელი ჯიმითი, გურჯაანის რაიონი (ყოფილი სიღნაღის მაზრა). 

1881 წლის სექტემბრიდან იყო ქუთაისის სათავადაზნაურო სკოლის პედაგოგი, სადაც იმსახურა 33 წელი. თომა მთავრიშვილის მოღვაწეობას დიდ შეფასებას აძლევდა იაკობ გოგებაშვილი. ქართველთა შორის წერა-კითხვის გამავრცელებელი საზოგადოების ქუთაისის გამგეობის სხდომაზე, იაკობ გოგებაშვილის წინადადებით თომა მთავრიშვილი პროგიმნაზიული კლასების პედაგოგად გადაიყვანეს. "ივერიაში", "დროებასა" და "შრომაში" აქვეყნებდა ნარკვევებს სკოლებისა და გლეხების მდგომარეობის შესახებ. მესტამბე, გამომცემელი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.487; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.134

• ქართველთა შორის წერა-კითხვის გამავრცელებელი საზოგადოება, წევრი