რომან კოპლატაძე

დაბადების ადგილი: სოფელი ბასილეთი, ჩოხატაურის რაიონი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1966 წელს; ასპირანტურა 1969 წელს.

1970-1983 წწ. თბილისის სახელმწიფო უნივერსიტეტის ილია ვეკუას გამოყენებითი მათემატიკის ინსტიტუტი, უმცროსი მეცნიერ-თანამშრომელი; 1983-1990წწ. ამავე ინსტიტუტის წამყვანი მეცნიერ-თანამშრომელი; 1990-1995წწ. - დიფერენციალური განტოლებების განყოფილების გამგე; 1995-2006 წწ. - საქართველოს მეცნიერებათა აკადემიის რაზმაძის მათემატიკის ინსტიტუტი, წამყვანი მეცნიერ-თანამშრომელი; 2006 წლიდან თბილისის სახელმწიფო უნივერსიტეტის და ილია ვეკუას გამოყენებითი მათემატიკის ინსტიტუტის ასოცირებული პროფესორი. სამეცნიერო ინტერესების სფერო: ჩვეულებრივ დიფერენციალურ განტოლებათა ამონახსნების ასიმპტოტური თვისებები, ფუნქციონალურ დიფერენციალურ განტოლებათა ამონახსნების რხევადობის კრიტერიუმები, სხვაობიან განტოლებათა ამონახსნების ასიმპტოტური ყოფაქცევის შესახებ, სასაზღვრო ამოცანები. პუბლიკაციების საერთო რაოდენობა: 121. ფიზიკა-მათემატიკის მეცნიერებათა დოქტორი (1996), პროფესორი.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.34; თბილისის სახელმწიფო უნივერსიტეტი: tsu.ge

• Об осцилляционных свойствах дифференциальных уравнений с отклоняющимся аргументом (ავტორი). - Тбилиси, Изд-во Тбил. ун-та, 1977. - 115с.