დავით ყვარელაშვილი

დაამთავრა საქართველოს პოლიტექნიკური ინსტიტუტი 1975 წელს, ხოლო თბილისის სახელმწიფო უნივერსიტეტის იურიდიული ფაკულტეტი 1982 წელს.

ჭიდაობაში ვარჯიში დაიწყო 19 წლის ასაკში. ტოკიოს მსოფლიო ჩემპიონატზე მოიპოვა ჩემპიონის ტიტული ახალგაზრდებს შორის; 1969, 1971 და 1972 წლებში იყო სსრკ ახალგაზრდებს შორის ჩემპიონი, ხოლო 1973 წელს საკავშირო უნივერსიადის ჩემპიონი გახდა. მოგებული აქვს საერთაშორისო ტურნირები იაპონიაში, ინდოეთში, ბულგარეთში, პოლონეთში. დავით ყვარელაშვილი 8 წლის მანძილზე სტაბილურად იმყოფებოდა სსრ კავშირის ნაკრების შემადგენლობაში. იგი სხვადასხვა დროს მუშაობდა საქართველოს შინაგან საქმეთა სამინისტროს სისტემაში სხვადასხვა ხელმძღვანელ თანამდებობაზე; იყო თბილისის ვაკის რაიონის, დიდუბე-ჩუღურეთის პოლიციის უფროსი, გლდანის, დიდი დიღმის, დიღმის ქვედანაყოფების უფროსი; წლების მანძილზე ხელმძღვანელობდა დედაქალაქის ნარკომანიასთან ბრძოლის განყოფილებას. დავით ყვარელაშვილი მონაწილეობდა სამაჩაბლოსა და აფხაზეთში მიმდინარე საბრძოლო პროცესებს. პოლიციის პოლკოვნიკი, მოჭიდავე (თავისუფალი ჭიდაობა).

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.577

• საერთაშორისო კლასის სპორტის ოსტატი
• საკავშირო უნივერსიადის ჩემპიონი
• სსრკ ჩემპიონი ახალგაზრდებს შორის
• მსოფლიო ჩემპიონი ახალგაზრდებს შორის