
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

შეთე გულუხაიძე

Other name:	შეთე გულუხაისძე
Date of birth:	1798
Date of death:	1870 (at 72 years)
Category:	Peoples Hero

Biography

დაბადების ადგილი: სოფელი არდოტი, ხევსურეთი.

შამილის თანამედროვე, დაღესტნის ომების თუში სახალხო გმირი სოფელ ქუმელაურთიდან (სოფელი ახმეტის მუნიციპალიტეტში, ომალოს თემი). შეთე გულუხაიძე XIX საუკუნის დასაწყისში დაბადებულა. მამას, ზვიად გულუხაიძეს მეზობლებთან ჩამოვარდნილი სისხლ-მესისხლეობის გამო თავისი თემ-სოფლის დატოვება მოუხდა, იგი ხევსურეთში, სოფელ არდოტში (არდოტი სოფელი საქართველოში, მცხეთა-მთიანეთის მხარის დუშეთის მუნიციპალიტეტში) გადახვეწილა და იმ ზამთარს გარდაცვლილა. შეთეს დიდ როლს მიაწერენ დაღესტანზე გამარჯვებაში, რომ უკვე დიდი ხნის შემდეგ, მე-20 საუკუნის დასაწყისში ნიკო ფიროსმანმა ამ თემაზე შექმნა მხატვრული ტილო, რომელსაც აქვს რუსული წარწერა - "შეთე უჩვენებს ბარიატინსკის, თუ როგორ დაიჭიროს შამილი". დაღესტნის ომების დამთავრების შემდეგ შეთე სოფელ შილდაში დასახლდა. მთავრობის მიერ იგი დანიშნულ იქნა დაღესტნის მხარის საყარაულო რაზმების ინსპექტორად. მას დიდად აფასებდა კახეთის თავადაზნაურობა, მის რაზმებს არაერთხელ წაურთმევია ლეკთა ბანდებისათვის კახეთიდან გატაცებული ტყვეები და დაუბრუნებია თავიანთი ოჯახებისათვის. ერთ-ერთი რუსი სამხედრო ისტორიკოსი, პოლკოვნიკი ნიკოლოზ ვოლკონსკი წერდა, რომ "კავკასიის ომების ისტორია ყოველთვის ნაკლულოვანი იქნება ამ ომში შეთეს როლის სრულად ჩვენების გარეშე". შეთე გულუხაიძეს ეძღვნება გიორგი ცოცანიძის წიგნი - შეთე (თუში მებრძოლის შეთე გულუხაიძის ცხოვრება, ისტორიულ-დოკუმენტური პროზა; თბილისი, 2013 წელი).

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.646; ჟურნალი "თბილისელები": old.tbiliselebi.ge