ზურაბ ცერცვაძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის საინჟინრო ინსტიტუტი 1958 წელს.

1958-1965წწ. მუშაობდა თბილისის ელექტროტექნიკურ სამეცნიერო-კვლევით ინსტიტუტში ინჟინრად; 1965-1974წწ. იყო თბილისის ქარხანა "მიკროძრავას" მთავარი კონსტრუქტორი, ხოლო 1974-1975წწ. თბილისის მცირე სიმძლავრის ელექტრული მანქანების სამეცნიერო-კვლევითი და საპროექტო-ტექნოლოგიური ინსტიტუტის ლაბორატორიის გამგე; 1970 წელს  დაიცვა დისერტაცია ტექნიკის მეცნიერებათა კანდიდატის სამეცნიერო ხარისხის მოსაპოვებლად; 1975-1988 წწ. მუშაობდა თბილისის ავტომატიკისა და ჰიდრავლიკის სამეცნიერო-კვლევით ინსტიტუტში ჯერ ლაბორატორიის, ხოლო შემდეგ განყოფილების გამგედ; 1985-1987წწ. იყო საქართველოს პოლიტექნიკური ინსტიტუტის ელექტრული მანქანების კათედრის დოცენტი; 1989-1996წწ. მუშაობდა სხვადასხვა ორგანიზაციებში, სადაც ხელმძღვანელობდა მიკროჰესების დამუშავებას, ექსპერიმენტული ნიმუშების დამზადებასა და მათ გამოცდას. არის მრავალი გამოგონებისა და რაციონალიზატორული წინადადების ავტორი.

1999-2017წწ. მუშაობდა მრავალპროფილურ კონცერნ "ცოდნისაში" ჯერ მთარგმნელის, შემდეგ მენეჯერის თანამდებობაზე, სადაც ასრულებდა თავდაპირველად ტექნიკური, ეკონომიკური და იურიდიული, ხოლო შედეგ ჟურნალისტური ტექსტების თარგმანებს; ჟურნალისტური ლიტერატურის თარგმნაში თანამშრომლობდა გაზეთ "რეზონანსის" რედაქციასთან; 2000 წლიდან იწყებს საქმიანობას მხატვრული თარგმანის დარგში  - ინგლისური ენიდან თარგმნის ო. ჰენრის, ჯ. ლონდონისა და ჩ. დიკენსის თხზულებებს. გამოცემული აქვს მათი მოთხრობებისა და ნოველების ქართული თარგმანების 7 კრებული. თანამშრომლობდა აგრეთვე  ლიტერატურულ ჟურნალთან "ჩვენი მწერლობა", რომელშიც დაიბეჭდა მისი თარგმანები.

• საშობაო მოთხრობები : ჩარლზ დიკენსი (მთარგმნელი) // სერია "მოსწავლის არჩევანი". - თბილისი, პალიტრა L, 2017. - 292გვ. . - ISBN: 978-9941-24-585-5
• წერილი უკაცრიელი კუნძულიდან : მოთხრობა / ჩარლზ დიკენსი (მთარგმნელი). - თბილისი , პალიტრა L, 2016. - 64გვ.. - ISBN: 978-9941-24-519-0
• როცა ღმერთები იცინიან : მოთხრობები / ჯეკ ლონდონი (მთარგმნელი). - თბილისი, ააფ- მენეჯმენტი, 2015. - 176გვ.. - ISBN: 978-9941-0-7328-1
• საშობაო მოთხრობები : რჩეული ნაწარმოებები / ჩარლზ დიკენსი (მთარგმნელი) // ტ. 7. - თბილისი, პალიტრა L, 2015. - 256გვ.. - ISBN: 978-9941-21-795-1
• მაწანწალა და ფერია : ნოველა / ჯეკ ლონდონი (მთარგმნელი) // ჟურნალი "ჩვენი მწერლობა". – 11 ნოემბერი - N23(153). - თბილისი, 2011. - გვ.57-62
• ლოთის სიკვდილი : ნოველა / ჩარლზ დიკენსი (მთარგმნელი) // ჟურნალი "ჩვენი მწერლობა". - 19 მარტი. - N6(110). - თბილისი, 2010. - გვ.56-60
• ზაფხულის შუადღის სიზმარი : ნოველები / ო. ჰენრი (მთარგმნელი). - თბილისი, ააფ-მენეჯმენტი, 2008. - 136გვ.. - ISBN: 978-9941-0-0804-7
• საშობაო მოთხრობები : ნოველები / ჩარლზ დიკენსი (მთარგმნელი). - თბილისი, ააფ-მენეჯმენტი, 2007. - 144გვ.. - ISBN: 978-99940-68-41-8
• ზღაპრის დასასრული : მოთხრობები / ჯეკ ლონდონი (მთარგმნელი). - თბილისი, ააფ-მენეჯმენტი, 2005. - გვ.136. - ISBN: 99940-0-164-7
• მოგვთა საჩუქრები : ნოველები / ო. ჰენრი (მთარგმნელი). - თბილისი, ააფ-მენეჯმენტი, 2002. - გვ.116. - ISBN: 99928-0-456-4