გაბრიელ კუპრაძე

დაბადების ადგილი: სოფელი ჯუმათი, ლანჩხუთის რაიონი.

დაამთავრა საქართველოს პოლიტექნიკური ინსტიტუტი ინჟინერ-ელექტრომექანიკოსის კვალიფიკაციით 1930 წელს.

ჯერ კიდევ ინსტიტუტში სწავლის პერიოდში მუშაობდა აბაშაჰესი-რიონჰესის ელექტროგადამცემი ხაზის მშენებლობაზე; ინსტიტუტის დამთავრების შემდეგ იგი მუშაობდა სხვადასხვა საპროექტო ორგანიზაციაში ინჟინერ-კონსტრუქტორის, ქ. თბილისის მაუდ-კამვოლის ფაბრიკისა და ქ. გორის საკონსერვო ქარხნის ელექტრომეურნეობის სამუშაოთა მწარმოებლად; 1934-1937წწ. - ამიერკავკასიის ენერგეტიკულ სისტემაში სხვადასხვა თანამდებობაზე, 100კვ. ელექტროხაზის მშენებლობის მთავარი ინჟინერი, ნავთლუღის ქვესადგურის ექსპლუატაციის განყოფილების უფროსი ინჟინერი; 1937-1945წწ. - თბილისის საქალაქო ელექტრომეურნეობის სამმართველოს მთავარი ინჟინერი; 1945-1949წწ. - თბილსიის საქალაქო ელექტრომეურნეობის სამმართველოს დირექტორი; 1950 წლიდან - საქართველოს პოლიტექნიკური ინსტიტუტის სამრეწველო საწარმოთა ელექტრომოწყობილობების კათედრის გამგე; 1953-1958წწ. - ენერგეტიკის ფაკულტეტის დეკანი; 1953 წელს დაიცვა საკანდიდატო დისერტაცია და მიენიჭა დოცენტის სამეცნიერო წოდება. გამოქვეყნებული აქვს 50 სამეცნიერო ნაშრომი, ხელმძღვანელობდა კათედრაზე წარმოებულ კვლევით სამუშაოებს, აქტიურად მონაწილეობდა ახალგაზრდა კადრების მომზადების საქმეში.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.95-96