გრიგოლ მამრაძე

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1939 წელს.

მუშაობდა სხვადასხვა საპროექტო ორგანიზაციაში ინჟინრის თანამდებობაზე; 1944 წლიდან დაიწყო პედაგოგიური მოღვაწეობა საქართველოს პოლიტექნიკურ ინსტიტუტში; 1947 წლიდან მუშაობდა საქართველოს მეცნიერებათა აკადემიის ენერგეტიკის ინსტიტუტში; საკანდიდატო დისერტაციის დაცვის შემდეგ, 1949 წელს დაინიშნა ინსტიტუტის უფროს მეცნიერ-თანამშრომლად; 1971 წლიდან სიცოცხლის ბოლომდე იყო საქართველოს ენერგეტიკისა და ენერგეტიკულ ნაგებობათა სამეცნიერო-კვლევითი ინსტიტუტის ჰიდრავლიკისა და ჰიდროდინამიკის განყოფილების გამგე. გამოქვეყნებული აქვს ფუნდამენტური სამეცნიერო შრომები ჰიდროენერგეტიკის, ჰიდრავლიკის, ჰიდროდინამიკისა და ჰიდრომექანიკის დარგში; "მაღალი კაშხლების კატალოგი" - საქართველოში წყლის დინამიკური (მათ შორის, სეისმური) დეფორმაციის კვლევის თანაავტორი. 100 სამეცნიერო ტექნიკური სტატიის ავტორი; ჩატარებული აქვს ჰიდრავლიკური კვლევები ნამახვანის, ხუდონის, ჟინვალის, ენგურის, როგუნის, ირგანაის, მიატლის, გუმათის ჰესებისთვის.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.104-105

• საქართველოს დამსახურებული ინჟინერი