ბესარიონ მხეიძე

დაამთავრა საქართველოს პოლიტექნიკური ინსტიტუტის ელექტრომექანიკური ფაკულტეტი 1930 წელს.

მუშაობა დაიწყო ამიერკავკასიის ენერგოსისტემაში: 1931-1937წწ. მუშაობდა ენერგოზედამხედველობის ჯგუფის ინჟინრად, ცენტრალური ლაბორატორიის უფროსის მოადგილედ და ამიერკავკასიის ენერგოსისტემის ექსპლუატაციის გამყოფილების უფროს ინჟინრად; 1937-1958წწ. იყო საქენერგოს უფროსის პირველი მოადგილე და მთავარი ინჟინერი; 1958 წლიდან, როგორც დირექტორის მოადგილე სამეცნიერო-კვლევით დარგში, ხელმძღვანელობდა საბჭოთა კავშირის ელექტროტექნიკური მრეწველობის თბილისის ელექტროტექნიკურ ინსტიტუტს; საქართველოს პოლიტექნიკურ ინსტიტუტში კითხულობდა ლექციებს მაპროფილებელ დისციპლინებში; წარმატებით მოამზადა მრავალი დიპლომანტი; ათეული წლების განმავლობაში იყო ენერგეტიკის ფაკულტეტის სახელმწიფო საგამოცდო კომისიის თავმჯდომარე და სამეცნიერო ხარისხებისა და წოდებების მიმნიჭებელი სამეცნიერო საბჭოს წევრი; გამოქვეყნებული აქვს ენერგოსისტემის ავტომატიზაციისადმი მიძღვნილი მრავალი ნაშრომი; 1965 წელს გავიდა პენსიაზე და მუშაობას განაგრძობდა "საქმთავარენერგოს" საინფორმაციო სამსახურში, შემდეგ საწარმოო-ტექნიკურ განყოფილებაში, სადაც სიცოცხლის ბოლომდე მუშაობდა. არაერთგზის იყო არჩეული ქ. თბილისის მშრომელთა დეპუტატების საქალაქო საბჭოს დეპუტატად, საქართველოს სამეცნიერო-ტექნიკური საზოგადოების პრეზიდიუმის წევრად; დაჯილდოებული იყო მრავალი ორდენითა და მედლით, საქართველოს უმაღლესი საბჭოს პრეზიდიუმის საპატიო სიგელით.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.112-113; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.257

• საბჭოთა კავშირის სამეცნიერო-ტექნიკური საზოგადოება, საპატიო წევრი

• საქართველოს დამსახურებული ინჟინერი