გურამ ნაკაიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიის ფაკულტეტი.

შრომითი საქმიანობა დაიწყო 1956 წელს აზერბაიჯანის მილსაგლინავ ქარხანაში (ქ. სუმგაითი) ცვლის ოსტატად; 1967-1974წწ. - საქართველოს მეტალურგიული ქარხნების დამპროექტებელი ინსტიტუტის "საქგიპრომეზის" მთავარი ინჟინერი, 1974-1982წწ. - სახელმწიფო საგეგმო კომიტეტის განყოფილების უფროსი; 1984-1991წწ. - თავმჯდომარის მოადგილე; 1982-1984წწ. - კუბის რესპუბლიკის საგეგმო საბჭოს მრჩეველი-კონსულტანტი; 1991-1994წწ. - მეცნიერებისა და ტექნოლოგიების მინისტრის პირველი მოადგილე; 1994-1995წწ. - საგარეო-ეკონომიკურ ურთიერთობათა კომიტეტის თავმჯდომარის მოადგილე; 1995-1996წწ. - ევრაზიის სატრანსპორტო დერეფნის საპრობლემო ცენტრის დირექტორი; 1998 წლიდან შპს "ჯორჯია ინჟინერინგის" აღმასრულებელი დირექტორი; უკანასკნელ წლებში ეწეოდა პედაგოგიურ მოღვაწეობას საქართველოს ტექნიკურ უნივერსიტეტში, იყო ეკონომიკის კათედრის პროფესორი. მისი სამეცნიერო მოღვაწეობის სფერო მოიცავდა მანგანუმის ფეროშენადნობთა წარმოების, სამეცნიერო-ტექნიკური პროგრესის პროგნოზირებისა და მართვის პრობლემებს; მისი საპროექტო საქმინობა ეხებოდა შავი მეტალურგიის ობიექტების - რუსთავის, აზერბაიჯანის, უზბეკეთის მეტალურგიული ქარხნების და ზესტაფონის ფეროშენადნობთა ქარხნის დაპროექტებას. იყო რამდენიმე მონოგრაფიის და 30-მდე სტატიის ავტორი. ეკონომიკურ მეცნიერებათა დოქტორი, პროფესორი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.114-115

• საქართველოს ბიზნესის მეცნიერებათა აკადემია, აკადემიკოსი
• საქართველოს საინჟინრო აკადემია, აკადემიკოსი

• საქართველოს დამსახურებული ინჟინერი
• ღირსების ორდენი

• პროექტის მენეჯმენტი : [სახელმძღვ.] (თანაავტორი). - თბილისი, ინოვაცია, 2007. - 88გვ.
• საინოვაციო მენეჯმენტი : ტექნ. უმაღლ. სასწავლ. სტუდ. (ავტორი). - თბილისი, ტექნ. უნ-ტი, 2004. - 80გვ.. - ISBN: 9994014226