შუშანა მგელაძე

დაბადების ადგილი: ქ. ოზურგეთი.

სწავლობდა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტზე, გერმანული ენისა და ლიტერატურის სპეციალობით.

თბილისის სასულიერო სემინარიის დამთავრების შემდეგ იგი პედაგოგიურ მოღვაწეობას ეწეოდა ოზურგეთის გიმნაზიაში; დიდი წვლილი შეიტანა რეგიონის, განსაკუთრებით კი კურორტ ბახმაროს აღორძინების საქმეში; აღსანიშნავია მისი საქველმოქმედო საქმიანობაც; მისი შემოქმედებითი საქმიანობა დაიწყო რვა წლის ასაკში, როდესაც დაწერა პირველი ლექსი; 1930 წელს ჟურნალ "ოქტომბრელში" დაიბეჭდა მისი პირველი ლექსი "8 მარტი", რომელმაც რუსი მწერლის ოლგა ფორშის ყურადღება დაიმსახურა; ამ დროისათვის ის მეთოთხმეტე საცდელ-საჩვენებელი შრომის სკოლის მერვე კლასის მოსწავლე იყო. მისი ლექსი მალევე მეოთხე კლასის ქართული ენისა და ლიტერატურის სახელმძღვანელოში შეიტანეს; მას ლექსის თარგმნა მშვენივრად ეხერხებოდა, რითაც დიდი მწერლის - კონსტანტინე გამსახურდიას, რომელიც მას ასწავლიდა სკოლაში, ყურადღებასა და მოწონებას იმსახურებდა; ხანდახან ჟურნალ-გაზეთებში ბეჭდავდა მშვენიერ ლირიკულსა თუ საყმაწვილო ლექსებს, ნარკვევებს, მოგონებებს ქართული მწერლობისა და ხელოვნების საუკეთესო  წარმომადგენლებზე. პოეტი ქალის პირველი წიგნი მხოლოდ 1969 წელს დაისტამბა; განსაკუთრებით აღსანიშნავია კრებულები: "სახსოვარი" და "გაზაფხულმა ვერ შემასხა ფრთები", რომლებიც მისი საყმაწვილო და ლირიკული ლექსების ერთგვარი შეჯამებაა; ქართველი მწერლის საფო მგელაძის შვილი, საბავშვო პოეტი.

წყარო: საქართველოს ნეკროპოლი: geonecropol.com; მოსწავლე ახალგაზრდობის ეროვნული სასახლე: საბავშვო მწერლები: tsignipedia.ge

• გაზაფხულმა ვერ შემასხა ფრთები : ლექსები (ავტორი). - თბილისი, 2006. - 112გვ.
• სახსოვარი : საბავშვო ლექსები (ავტორი). - თბილისი, 2001. - 91გვ.. - ISBN: 99928-0-218-9
• ყვავილების დედოფალი : ლექსები უმცრ. სასკ. ასაკის ბავშვებისათვის (ავტორი). - თბილისი, განათლება, 1986. - 79გვ.
• კუტი კნუტი : ლექსები სკოლამდელთათვის (ავტორი). - თბილისი, ნაკადული, 1977. - 46გვ.
• ყურშას სიზმარი : ლექსები და გამოცანები. სკოლამდელი ასაკის ბავშვთათვის (ავტორი). - თბილისი, ნაკადული, 1969. - 42გვ.