ვაჟა ხომერიკი

დაბადების ადგილი: სოფელი ძიმითი, ოზურგეთის რაიონი.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი 1962 წელს; ოდესის უმაღლესი საზღვაო-საინჟინრო სასწავლებელი (ОВИМУ) 1973 წელს.

სასწავლებლის დამთავრებისთანავე სამუშაოდ ოდესის შავი ზღვის სახელმწიფო საზღვაო სანაოსნოში გაანაწილეს; 1962 წლიდა ჯერ რიგით მატროსად, 1963 წლიდან კი შორეული ნაოსნობის შტურმანად, კაპიტნის მეოთხე, მესამე და მეორე თანაშემწედ ცურავდა სანაოსნოს სხვადასხვა გემებზე; 1967 წელს სამშობლოში ბრუნდება და 1970 წლამდე ბათუმში ახლად დაარსებული საქართველოს საზღვაო სანაოსნოს გემების კაპიტნის უფროს თანაშემწედ განაგრძობს საქმიანობას; 1970 წელს სრულიად ახალგაზრდა, 28 წლის ასაკში  სსრკ საზღვაო ფლოტის სამინისტროს კოლეგიამ შორეული ნაოსნობის კაპიტნად დაამტკიცა, რის შემდეგაც  1979 წლამდე დამოუკიდებლად მეთაურობდა სანაოსნოს გემების: «БУЗОВНЫ»-ს, «АКТАШ»-ის, «ФОРЕ МОСУЛИШВИЛИ»-ს, «АНАКЛИА»-ს , «НИКО НИКОЛАДЗЕ»-ს, «ХУДОЖНИК ГАБАШВИЛИ»-სა და სხვათა ეკიპაჟებს; 1979 წლიდან იგი საქმიანობას ნაპირზე განაგრძობს, საქართველოს საზღვაო სანაოსნოს ზღვაოსნობის უსაფრთხოების სამსახურის კაპიტან - დამრიგებელად, 1981 წლიდან კი კვლავ შორეული ნაოსნობის კაპიტანია; 1987 წლიდან გამოცდილი საზღვაო მეთაური და ინჟინერ-გემთწამყვანი ვაჟა ხომერიკი საქართველოს საზღვაო სანაოსნოს კარტოგრაფი და რადიოსალოკაციო ტრეინინგ- ცენტრის ინჟინრად მსახურობდა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com