შესვლა |
![]() |
![]() |
![]() ![]() |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
გურამ ციცქარავა![]()
ბიოგრაფიადაბადების ადგილი: ქ. ფოთი. სასწავლებლის დასრულებისთანავე რიგით მატროსად ცურვა შორეული მურმანსკის ტრალფლოტის თევზსაჭერ გემებზე დაიწყო; 1964 წელს სამშობლოში დაბრუნებულმა ზღვაში პროფესიული საქმიანობა საქართველოში ახლად გახსნილი საოკეანო თევზჭერის სამმართველოს ტრაულერ - «შოთა რუსთაველი»-ს პირველი კლასის მატროსის რანგში გააგრძელა; იქვე გახდა ამ სახელგანთქმული ტრაულერის კაპიტნის მესამე (1964) და მეორე (1965) თანაშემწე, მომდევნო წლებში კი ასევე მეორე თანაშემწედ ცურავდა გემებზე «ენგური» და «არაგვი»; 1966 წელს გურამ ციცქარავა საოკეანო ტრაულერ «რუსლან»-ის კაპიტნის უფროს თანაშემწედ დაინიშნა,1968 წლიდან კი იგი ამავე გემის კაპიტან-დირექტორი გახდა; 1969-1971 წწ. იყო საოკეანო ტრაულერ «მცხეთა»-ს კაპიტან-დირექტორიც; 1972 წელს იგი საქმიანობას ნაპირზე განაგრძობს და საოკეანო თევზჭერის სამმართველოს კადრების სამსახურში მებადურ-ზღვაოსანთა კადრების მომზადებისა და შერჩევის საქმეს ემსახურება; სიცოცხლის ბოლო წლებში გურამ ციცქარავა საქართველოს თევზსაჭერ მეურნეობათა კავშირის თავმჯდომარის მოადგილის საპასუხისმგებლო მოვალეობასაც ასრულებდა. შორეული ნაოსნობის კაპიტანი. წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com
|
Biographical Dictionary. version 1.2.2.R1 Copyright © 2010-2012 by David A. Mchedlishvili |