ლეო ჯობავა

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით: "მათემატიკური გამომთვლელ-ამომხსნელი ხელსაწყოები და მოწყობილობანი" და მიენიჭა ინჟინერ-ელექტრიკოსის კვალიფიკაცია 1961 წელს.
1961-1965 წწ. მუშაობდა საქართველოს მეცნიერებათა აკადემიის კიბერნეტიკის ინსტიტუტში, ხოლო 1965 წლიდან სიცოცხლის ბოლომდე - საქართველოს ტექნიკური უნივერსიტეტის ტექნიკური ელექტრონიკის კათედრაზე; 1971 წელს დაიცვა დისერტაცია ტექნიკის მეცნიერებათა კანდიდატის სამეცნიერო ხარისხის მოსაპოვებლად, 1975 წელს მიენიჭა დოცენტის სამეცნიერო წოდება; ელექტრომექანიკისა და ელექტრონიკის და ავტომატიკისა და გამოთვლითი ტექნიკის ფაკულტეტების სტუდენტებისათვის კითხულობდა ლექციებს სპეციალურ საგნებში: "უწყვეტი და იმპულსური ქმედების ელექტრონული წრედები", "ციფრული ტექნიკა ელექტრონიკაში", "მიკროპროცესორები ელექტრონულ ტექნიკაში", "ელექტრონული წრედები", "საინფორმაციო-გამზომი ტექნიკის ელექტრონული მოწყობილობანი", "გამოთვლითი სისტემების ელემენტები და სქემები"; ხელმძღვანელობდა სამეცნიერო-კვლევითი სამუშაოებს და სტუდენტთა საკონსტრუქტორო - საკვლევ ბიუროს "ელექტრონული ტექნიკა". ავტორია 40-მდე სამეცნიერო შრომისა.

• უწყვეტი ქმედების ელექტრონული წრედების გაანგარიშება : დამხმ. სახელმძღვ. (თანაავტორი). - თბილისი, სტუ, 1990. - 152გვ.