დარია ცინცაძე

დაბადების ადგილი: ქ. ჩოხატაური.
მეორე მსოფლიო ომის დაწყებისთანავე ექიმი დ. ცინცაძე მოხალისედ წავიდა ფრონტზე. მას მუშაობა მოუხდა როგორც ბალტიის, ისე ლაგოდის და ბოლოს შავი ზღვის ფლოტებში, სამანევრო-საზღვაო ქირურგიული ჯგუფის უფროსად; აკეთებდა ყველა სახის უმძიმეს ოპერაციას; ლენინგრადის (ახლა პეტერბურგი) ბლოკადაში მოქცეულმა დ. ცინცაძემ რამდენიმე ასეული მებრძოლი გადაარჩინა სიკვდილს; დაჭრილთა დაჩქარებით განკურნების მიზნით ლენინგრადის ბლოკადის უმძიმეს პერიოდში მოამზადა ვიტამინების შემცველი ნივთიერება - ნაძვის წიწვის ექსტრაქტი, რომელსაც საჭიროების შემთხვევაში წარმატებით იყენებდა როგორც დაჭრილთათვის, ისე მედპერსონალისთვის; საბჭოთა არმიის რიგებიდან დემობილიზებულ იქნა 1945 წლის ნოემბერში და მეცნიერული ცოდნის გაღრმავების მიზნით მუშაობა განაგრძო თბილისისა და ლენინგრადის ქირურგიულ კლინიკებში პროფესორების: ოპელის, ჯანელიძის, სამარინის, დ. იოსელიანის და სხვათა ხელმძღვანელობით; 1957 წელს გამოქვეყნდა მისი მონოგრაფია სათაურით: "Гальванические пробы на боль как один из симптомов острого живота при аппендиците"; 1958 წელს მან წარმატებით დაიცვა დისერტაცია მედიცინის მეცნიერებთა კანდიდატის ხარისხის მოსაპოვებლად; თარგმნა და გამოსცა ფ. ჰესეს წიგნი - "პატარა წიგნი ნარკოზის შესახებ". ომიდან დაბრუნებული დ. ცინცაძე, სიცოცხლის ბოლომდე მუშაობდა თბილისის სასწრაფო დახმარების საავადმყოფოს (ამჟამად, 150 წლიანი ისტორიის მქონე, ალადაშვილის სახელობის კლინიკა) ქირურგიულ განყოფილებაში. ლენინგრადის გმირული დაცვის ერთ-ერთი აქტიური მონაწილე, მედიცინის მეცნიერებათა კანდიდატი.

წყარო: საქართველოს მეცნიერ-მედიკოსები დიდ სამამულო ომში : ეძღვნება დიდი სამამულო ომის დამთავრების 20 წლისთავს / სერგო საყვარელიძე.-თბ., 1966

• მედალი "ლენინგრადის დაცვისთვის"
• მედალი "გერმანიაზე გამარჯვებისთვის"
• მედალი "საბრძოლო მამაცობისთვის"

• პატარა წიგნი ნარკოზის შესახებ : სახელმძღვ. ნარკოზის შესასწავლად სამედ. დებისა და ექიმის თანაშემწეებისათვის / ფრიც ჰესე (მთარგმნელი). - თბილისი, საბჭ. საქართველო, 1963. - 114გვ.
• Гальваническая проба на боль как один из симптомов острого живота (при аппендицитах) (ავტორი). - Тбилиси, Грузмедгиз, 1957. - 133с.