გიორგი ჭყონია

1879 წელს გიორგი ჭყონია მონაწილეობდა ჯუმათის მონასტრის და ეპისკოპოს გაბრიელ ტუსკიას გაძარცვაში. ძარცვაში სულ 8 პირი მონაწილეობდა, გიორგი ჭყონია დააპატიმრეს და ქუთაისის ციხეში ჩასვეს. 1882 წლის 6 ივლისს გიორგი ჭყონია ციხიდან გაიქცა და იმავე წლის 1 დეკემბერს ის ხელახლა დააპატიმრეს სოფელ ბახვში აზნაურ კოხტა მახარაძის სახლში, სადაც ის ასევე ფირალებმა, პავლე და მელქისედეკ მახარაძეებმა გასცეს. მის დაჭერას ხელმძღვანელობდა პრისტავი ჩიგოგიძე. ოპერაციის დროს გაიმართა ორმხრივი სროლა, ჭყონიამ მოკლა ერთი მილიციონერი. დაპატმრებული ჭყონია ციხიდან ხელახლა გაიქცა,  გარდაიცვალა 1884 წელს ჯუმათში. ოფიციალური ვერსიით მოკლა პოლიციის ბოქაულმა ჩიგოგიძემ, მაგრამ სინამდვილეში გიორგი ჭყონია თავად გარდაიცვალა. ფირალების პირველი ტალღის წარმომადგენელი.

წყარო: გურული ფირალები / ირაკლი მახარაძე.-თბ.,2008.-გვ.40-44