სიმონ შავგულიძე

დაბადების ადგილი: ქ. ქუთაისი.

დაამთავრა თბილისის და ტავრიდის სასულიერო სემინარია 1914 წელს.

კიევის სამხედრო სასწავლებელში პრაპორშიკთა კურსის გავლის შემდეგ მონაწილეობდა I მსოფლიო ომში (1914-1918) მოდლინის 57-ე ქვეითი პოლკის მეტყვიამფრქვევეთა გუნდის შემადგენლობაში; იბრძოდა დასავლეთის ფრონტზე. განსაკუთრებით გამოიჩინა თავი ბრძოლებში სოფელ კნერუტთან (24 მაისი, 1916) და კორიტნიცასთან (5 ივნისი, 1916), რისთვისაც მიიღო გიორგის ოქროს იარაღი "მამაცობისთვის" და წმ. გიორგის IV ხარისხის ორდენი (ორივე, 1916). 
1917 წელს მიიღო შტაბს-კაპიტნის წოდება; იმავე წლის ბოლოს საქართველოში დაბრუნდა და მონაწილეობა მიიღო დეკემბერში ქუთაისში ანარქიის ჩახშობაში. შემდეგ მსახურობდა ბათუმში; ოსმალეთის არმიის ბათუმზე შეტევის დროს დაინიშნა მიხეილის ციხესიმაგრის ერთ-ერთი საკვანძო გამაგრებული პუნქტის - ანარიის ფორტის კომენდანტად;  ოსმალეთის ჯარებთან ბრძოლაში დაიღუპა; სიკვდილის შემდეგ (1918 წლის ნოემბერი) მიენიჭა კაპიტნის წოდება; 1918 წლის მაისში შავგულიძის ნეშტი მისმა ძმამ ბათუმიდან ქუთაისში გადაასვენა. ის მთავარანგელოზის ეკლესიის ეზოში დაკრძალეს; 1944-1946 წლებში საბჭოთა ხელისუფლებამ ეკლესია დაანგრია და საფლავი დაიკარგა. სამხედრო მოღვაწე, კაპიტანი, ოსმალეთთან 1918 წლის ომის გმირი.

წყარო: საქართველოს დემოკრატიული რესპუბლიკის ბლოგი: pirvelirespublika.blogspot.com

• წმინდა ანას IV ხარისხის ორდენი
• წმინდა ანას III ხარისხის ორდენი
• წმინდა სტანისლავის II ხარისხის ორდენი
• წმინდა სტანისლავის III ხარისხის ორდენი