გურამ კუბლაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ელექტრომექანიკისა და ელექტრონიკის ფაკულტეტი სამრეწველო ელექტრონიკის სპეციალობით და მიენიჭა ელექტრონული ტექნიკის ინჟინრის კვალიფიკაცია 1984 წელს.

ინსტიტუტის დამთავრების შემდეგ მუშაობა დაიწყო საქართველოს მეცნიერებათა აკადემიის მართვის სისტემების ინსტიტუტის თვითაწყობადი სისტემების განყოფილებაში ჯერ ინჟინრის, შემდეგ წამყვანი ინჟინრის თანამდებობაზე; 1998 წლიდან ამავე განყოფილებაში საქმიანობა გააგრძელა სამეცნიერო მიმართულებით, იყო უმცროსი მეცნიერ თანამშრომელი, მეცნიერ თანამშრომელი და უფროსი მეცნიერ თანამშრომელი. 2001 წლის სექტემბერში დაიცვა საკანდიდატო დისერტაცია სპეციალობით: "მართვის სისტემებისა და გამოთვლითი ტექნიკის ელემენტები და მოწყობილობანი" და მიენიჭა ტექნიკის მეცნიერებათა კანდიდატის სამეცნიერო ხარისხი. გამოქვეყნებული აქვს 20-მდე სამეცნიერო სტატია, არის ერთი გამოგონების ავტორი. 2014 წლიდან გარდაცვალებამდე მუშაობდა არჩილ ელიაშვილის მართვის სისტემების ინსტიტუტის საინჟინრო-ტექნიკური განყოფილების უფროსად; პარალელურად ხელმძღვანელობდა ინსტიტუტის პროფკავშირულ ორგანიზაციას. ტექნიკის მეცნიერებათა კანდიდატი.