ლელა ოჩიაური

დაბადების ადგილი: ქ. თბილისი.

დაამთავრა სამხატვრო აკადემიის სახვითი ხელოვნებისა და ხუროთმოძღვრების ფაკულტეტი მკვლევრის განხრით; 1980-1981 წლებში გაიარა სტაჟირება მოსკოვის კინოს ისტორიისა და თეორიის სამეცნიერო კვლევითი ინსტიტუტში.
1981-1982წწ. მუშაობდა საქართველოს თეატრისა და მუსიკის სახელმწიფო მუზეუმში, უმცროს მეცნიერ თანამშრომლად; 1991-1992წწ. საქართველოს ტელე-რადიო კორპორაციის მეორე არხზე მთავარი რედაქტორის თანამდებობაზე; 1991-1992წწ. "არიან-ქართლის" მთავარი რედაქტორად; 1991-1992წწ. სატელევიზიო პროგრამა "ტელე-სინე-ვიდეოს" თანაავტორად და წამყვანად; 1993-1994წწ. ამავე პროგრამის კონსულტანტად; 1996 წლიდან  გაზეთ "რეზონანსის" კულტურის მიმომხილველია; 1999 წლიდან ბათუმის შოთა რუსთაველის  უნივერსიტეტის მიწვეული პროფესორი; 1982-2006წწ. შოთა რუსთაველის თეატრისა და კინოს უნივერსიტეტის კინოს სამეცნიერო-კვლევითი სექტორის წამყვანი მეცნიერ თანამშრომლია, პარალელურად კითხულობს ლექციებს ქართულ და მსოფლიო კინოს ისტორიაში, კინოკრიტიკის თეორიაში, ჟურნალისტიკაში; 2005-2006წწ. დაინიშნა კინოს ისტორიისა და თეორიის ფაკულტეტის კათედრის გამგედ; პირადად დააფუძნა არაერთი არასამთავრობო ორგანიზაცია, არის რამდენიმე  არასამთავრობო ორგანიზაციის თანადამფუძნებელი, ასევე არაერთხელ ყოფილა სხვადახვა კონკურსების და კინოფესტივალების ჟიურის წევრი; 2006 წლიდან შოთა რუსთაველის თეატრისა და კინოს უნივერსიტეტის სრული პროფესორია; არის საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის დიდი სამეცნიერო საბჭოს წევრი; ქ. ბათუმის ხელოვნების სახელმწიფო ინსტიტუტის სამეცნიერო საბჭოს წევრი; კრიტიკის დამოუკიდებელი საკონსულტაციო საბჭოს წევრი; 2000 წლიდან კინოპრესის საერთაშორისო ფედერაციის "ფიპრესი ჯორჯიას" (FIPRESCI)  წევრი; არის მრავალი ნაშრომის ავტორი. კინომცოდნე, ხელოვნებათმცოდნეობის დოქტორი.

საკანდიდატო დისერტაციო თემა - "პოეტური ტენდენციები თანემდროვე ხასიათის ძირების საძიებლად", დაიცვა 2005 წელს.

წყარო: ethmo.narod.ru

• კინემატოგრაფისტების დამოუკიდებელი გილდია, წევრი

• თანამედროვე და უახლესი ქართული მხატვრული კინოს ტენდენციები : გმირები, თემები, პრობლემები, სტილური თავისებურებები : სახელმძღვანელო (ავტორი). - თბილისი, კენტავრი, 2019. - 208 გვ.. - ISBN: 9789941971693
• უახლესი ქართული მხატვრული კინო : სახელმძღვანელო (თანაავტორი). - თბილისი, კენტავრი, 2018. - 199გვ.. - ISBN: 9789941963001